धनगढी । कैलालीको धनगढीमा जारी लिटल फ्लावर प्रिमियर लिग (एलपिएल) को आठौँ संस्करणअन्तर्गत सातौँ दिन शनिबार सम्पन्न दुई खेलमा युथ अफ टिकापुर र गरुडा नगरपालिका विजयी भएका छन् । समूह ‘बी’ बाट युथ अफ टिकापुरले सेमिफाइनलमा स्थानसमेत पक्का गरेको छ ।
पहिलो खेलमा युथ अफ टिकापुरले कैलाली मल्टिपल क्याम्पसलाई पराजित गर्दै समूह चरणमा तीनवटै खेलमा जितका साथ सेमिफाइनलमा स्थान सुरक्षित गर्यो । युथ अफ टिकापुरले दिएको ९५ रनको लक्ष्य पछ्याउने क्रममा निर्धारित ११ ओभरमा कैलालीले सात विकेट गुमाएर ७९ रनमात्र बनाउन सक्यो ।
कैलालीको ब्याटिङमा कप्तान दीपक कपडेलले सर्वाधिक ३८ रन र पारस रोकायाले १२ रन योगदान दिनुभयो । युथ अफ टिकापुरका सुमित महर्जनले दुई विकेट लिँदा मोहम्मद हुसेन, हरि चौहान, गौतम केसी र प्रकाश जैसीले एक-एक विकेट लिनुभयो ।
खराब मौसमका कारण ११ ओभरमा घटाइएको खेलमा टस जितेर ब्याटिङ गर्दै युथ अफ टिकापुरले सात विकेट गुमाएर ९४ रन बनायो । टिकापुरका लागि प्लेयर अफ द म्याच घोषित गौतम केसी तथा प्रकाश जैसीले समान ३४ रनको योगदान दिनुभयो ।
केसीले २७ बलमा एक चौका र तीन छक्का तथा जैसीले २२ बलमा तीन चौका र एक छक्का प्रहार गर्नुभयो । ३८ रनमा चार विकेट गुमेको अवस्थामा केसी र जैसीले छैटौँ विकेटका लागि ५५ रनको साझेदारी गर्नुभयो ।
कैलालीको बलिङमा अभिषेक कुँवर र सुशील विष्टले दुई-दुई तथा लोकेन्द्र खनाल र पारस रोकायाले एक-एक विकेट लिनुभयो । दिनको दोस्रो खेलमा गरुडा नगरपालिकाले विजयी सुरुवात गर्ने क्रममा सुदूरपश्चिमाञ्चल एकेडेमीलाई ९८ रनले पराजित गर्यो ।
गरुडाले दिएको १७४ रनको लक्ष्य पछ्याएको सुदूरपश्चिमाञ्चल एकेडेमीले २० ओभर ब्याटिङ गरे तापनि आठ विकेट गुमाएर ७५ रनमात्र बनायो । सुदूरपश्चिमाञ्चल एकेडेमीका लागि निसान रेग्मीले १८ तथा सौर्य श्रेष्ठले १४ रन बनाउनुभयो ।
गरुडाका बलर धर्मेन्द्र साहले चार विकेट लिनुभयो । जुन क्रममा उहाँले चार ओभरमा १२ रन मात्र खर्चिनुभयो । नरेश शाह, रूपेश सिंह र नितेश यादवले एक-एक विकेट लिनुभयो । त्यसअघि टस जितेर ब्याटिङ गरेको गरुडाले २० ओभरमा आठ विकेट गुमाएर १७३ रन बनायो ।
गरुडाका लागि रूपेश सिंहले आक्रामक ब्याटिङ गर्दै ६० रन योगदान दिनुभयो । जुन क्रममा उहाँले २९ बलमा पाँच चौका र पाँच छक्का प्रहार गर्नुभयो । निश्चल बिक्रमले अविजित ४३ रन बनाउनुभयो । जुन क्रममा २३ बलमा चार चौका र तीन छक्का प्रहार गर्नुभयो । ७६ रनमा ६ विकेट गुमेको अवस्थामा रूपेश र निश्चलले ७४ रनको साझेदारी गर्नुभयो । सुदूरपश्चिमाञ्चलको बलिङमा पारस सुनार र सन्दीप विष्टले दुई-दुई विकेट लिनुभयो । प्रकाश जोशी, वीरेन्द्र चन्द, सौर्य श्रेष्ठ र सागर साउदले एक-एक विकेट लिनुभयो ।
प्रतियोगिताअन्तर्गत आइतबार पनि दुई खेल हुनेछन् । पहिलो खेल बिहान ९ बजे घोडाघोडी क्रिकेट एकेडेमी र गरुडा नगरपालिबीच तथा दोस्रो खेल दिउँसो १ बजे सत्यवती एकेडेमी र लिटल एन्जल्सबीच हुनेछ ।
लिटल फ्लावर स्पोर्ट्स क्लबको आयोजनामा सुरु भएको प्रतियोगिताको यो आठौँ संस्करण हो । प्रतियोगिताको उपाधि विजेताले दुई लाख ५५ हजार र उपविजेताले एक लाख २८ हजार पुरस्कार पाउनेछन् । प्रतियोगितामा काठमाडौं, रौतहट, दाङ, कैलाली र कञ्चनपुरका गरी १६ टिमको सहभागिता रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच