रोशी शर्मा/हिटा
काठमाडौं । काठमाडौं उपत्यका निर्माण व्यवसायी संघले सात सल्लाहकार र अध्यक्ष कृष्णप्रसाद गौतमले संघको विधानअनुसार तीनजना सदस्य मनोनीत गर्नुभएको छ । काठमाडौं जिल्लामा २०५४ सालमा दर्ता भएको काठमाडौं उपत्यका निर्माण व्यवसायी संघमा वर्तमान कार्यसमितिसम्म आइपुग्दा १७औँ साधारणसभा र नवौँ अधिवेशन सम्पन्न भएको छ । २०७९ फागुन १४ गते सम्पन्न नवौँ अधिवेशनबाट कृष्णप्रसाद गौतमको नेतृत्वमा १० पदाधिकारी र १० सदस्यसमेत गरी २० जनाको कार्यससिति निर्वाचित भएको थियो ।
हाल वर्तमान कार्यसमितिको पूर्ण बैठकले सूर्यबहादुर तामाङ, सुविन्द्रनारायण महर्जन, विनोदकुमार अधिकारी, भीम श्रेष्ठ, प्रेमप्रकाश ढकाल, अशोकभक्त श्रेष्ठ र कुलप्रसाद पौडेलसहित सातजनालाई सल्लाहकारमा र विधानले दिएको अधिकार प्रयोग गरी अध्यक्ष गौतमले टंकनाथ ढकाल, शम्भुलाल श्रेष्ठ र प्रमोद पाठकसहित तीनजनालाई कार्यसमिति सदस्यमा मनोनीत गर्नुभएको हो ।
अध्यक्ष गौतमले सल्लाहकार र सदस्य पदमा मनोनीत हुने सबैलाई बधाई दिँदै संघको सांगठनिक गतिविधि र संघमा आबद्ध सदस्यको हकहितका सवालमा दत्तचित्त भएर महत्वपूर्ण सहयोग पुर्याउन आग्रह गर्नुभयो । संघका महासचिव पञ्चबहादुर तामाङ (विजय)ले मनोनीत सबैले संघको सांगठनिक गतिविधिमा सक्रियता देखाउन र संघको मर्यादाभित्र रहेर संघका हरेक गतिविधिमा सहयोग पुर्याउन आग्रह गर्नुभएको भयो । मनोनीत सल्लाहकार र सदस्यतर्फबाट सल्लाहकार भीम श्रेष्ठ र प्रेमप्रकाश ढकालले संघले दिएको जिम्मेवारी इमान्दारीसाथ कार्यान्वयन गर्ने प्रतिबद्धता व्यक्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच