नवलपरासी । पश्चिम नवलपरासीमा भन्सार छली गरी ल्याएको करिब ५ लाख मुल्य बराबरका खसी बोका बरामद गरेको छ ।
नेपाल-भारत सिमावर्ती नाकाबाट अवैध रुपमा नेपाल ल्याउँदै गरेका खसी बोका बरामद पश्चिम नवलपरासी प्रहरीले जनाएको छ ।
सिमावर्ती भारतीय क्षेत्रबाट ल्याएर सरावल गाउँपालिका– ७ स्थित एक झाडीमा लुकाई राखेको अवस्थामा २६ जिउँदा खसी बोका नियन्त्रणमा लिएको जिल्ला प्रहरी कार्यालयका प्रहरी नायव उपरीक्षक एवम सूचना अधिकारी रेशम बोहराले जानकारी दिनुभयो।
पक्राउ गरिएका खसी बोकाको मूल्य ५ लाख ७२ हजार मूल्याङ्कन गरिएको छ । सीमावर्ती भारतीय क्षेत्रहरूबाट खसी बोकालगायतका चौपायहरु स्वास्थ्य परीक्षण बिना नवलपरासी भित्रिने गरेका छन् ।
त्यसैगरी प्रहरीले १ लाख ५० हजार मूल्य पर्ने मोबाइलका कभर बरामद गरेको छ । भारतको ठूठीबारीबाट महेशपुर नाका हुँदै भन्सार छलेर ल्याउँदै गरेको अवस्थामा प्रहरीले पाल्हीनन्दन गाउँपालिका–१ रमपुरवाबाट ६ सय थान मोबाइलका कभर बरामद गरेको हो ।
पक्राउ परेका सबैलाई आवश्यक कारबाहीका लागि महेशपुर भन्सार कार्यालय पठाइएको प्रहरीले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच