काठमाडौं । स्वीकारोक्ति फाउण्डेशनले नेपाली साहित्यका मुर्धन्य व्यक्तित्व लीलबहादुर क्षेत्रीलाई ६ लाख नेपाली नगद राशिसहित स्वीकारोक्ति सिद्धि पुरस्कार हस्तान्तरण गरेको छ । स्वीकारोक्ति फाउण्डेशनले सञ्चालन गरेको स्वीकारोक्ति विश्व यात्रा २०२३ अभियानअन्तर्गतको यात्रा भारतको गुवाहाटी पुगेर क्षेत्रीलाई नगदसहित सम्मान गरेको हो ।
‘अस्तित्वहरूको न्यायिक सम्बोधन’ भन्ने मूल विचार बोकेर विभिन्न सामाजिक कार्य गर्दै आएको स्वीकारोक्ति फाउण्डेशन अमेरीकाले गुवाहाटीको प्रराग कन्टिनेट्ल सभाहलमा नेपाल प्रज्ञा प्रतिष्ठानका उपकुलपति विमल निभाको प्रमुख आतिथ्य तथा स्वीकारोक्ति दर्शनका प्रवर्तक डेन्जोम साम्पाङ र स्वीकारोक्ति फाउण्डेशन अन्तर्राष्ट्रिय सम्पर्क, समन्वय तथा कार्यक्रम आयोजना प्रमुख कर्ण गुरुङको विशेष आतिथ्यतामा क्षेत्रीलाई नेपाली राशी ६ लाख स्वीकारोक्ति सिद्धि पुरस्कार हस्तान्तरण गरेको थियो ।
स्वीकारोक्ति फाउण्डेशनको ११औं वार्षिक उत्सवको अवसरमा आयोजना भएको विश्व यात्रा २०२३ नेपालको झापा बेलडाँगीबाट सुरु भई नेपालका विभिन्न शहरमा कार्यक्रम गर्दै भारतको दार्जिलिङ, सिक्किम हुँदै गुवाहाटी पुगेको र कार्यक्रमको समापन मंसिर २८ र २९ गते साहित्यिक तथा युवा शैक्षिक शिखर सम्मेलन आयोजनागी काठमाडौंमा गरिने स्वीकारोक्ति दर्शन टोलीका सदस्य दीलिप घिमिरेले जानकारी दिनुभयो ।
सम्मान समारोह कार्यक्रममा फाउण्डेशनका विशिष्ट सल्लाहकार समालोचक प्रा.डा.गोविन्दराज भट्टराई, भाषा आयोग नेपालका मातृकाप्रसाद पोखरेल, सिक्किम साहित्य सभाका अध्यक्ष डा.राजकुमार क्षेत्री, साहित्यकार डा.छत्रमान सुब्बा, साहित्यकार डा.इन्दुप्रभा देवी, स्वीकारोक्ति फाउण्डेशनका अभियान्ताहरू पातलो अन्तरे, शेखर कोइराला, दियालो शुसन माझी, नेत्र आचार्य, अर्जुन उप्रेती, शिला उप्रेती, गजलकार विवश बलिभद्र कोइराला, खगिन्द्रा खुशीलगायतको उपस्थिति थियो ।
सम्मानित साहित्य साधक क्षेत्रीले स्वीकारोक्ति दर्शनको माध्यमबाट नेपाली जातिलाई एउटै मालामा उनेर एक अर्कोको अस्तित्व स्वीकार गर्न सन्देश छर्दै हिँडेको स्वीकारोक्ति दर्शनका अभियान्तालाई शुभकामना व्यक्त गर्नुभयो । लीलबहादुर क्षेत्री फाउण्डेशनका अध्यक्ष डा.शिवनाथ शर्माको सभापतित्वमा सम्पन्न भएको कार्यक्रमको सञ्चालन डा.खगेन्द्र शर्मालेले गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच