विराटनगर । उद्योग संगठन मोरङको आयोजना र इन्स्योर परियोजनाको प्राविधिक सहयोगमा उद्योग प्रतिष्ठानमा कार्यरत प्राविधिकका लागि १२ दिने ऊर्जा दक्षता अभिवृद्धि तालिम सुरु भएको छ । तालिम शुभारम्भ गर्दै संगठनका अध्यक्ष राकेश सुरानाले उद्योग प्रतिष्ठानको उत्पादकत्व र वस्तुको गुणस्तर प्राविधिकमा निर्भर रहने भएकाले ऊर्जा दक्षता तालिमको आयोजना गरिएको बताउनुभयो ।
उद्योगहरूले प्राप्त ऊर्जाको व्यवस्थापन गरी त्यसबाट बढीभन्दा बढी लाभ लिन सके उद्योगको उत्पादन खर्च कटौतीमा समेत सहयोग पुग्ने उहाँको भनाइ थियो । उद्योगका लागि आवश्यक दक्ष प्राविधिक विकासलाई मध्यनजर गरी यसप्रकारका तालिमलाई आगामी दिनमा पनि निरन्तरता दिने अध्यक्ष सुरानाले बताउनुुभयो ।
इन्स्योर परियोजनाका कोशी प्रदेश प्रमुख सञ्जीवकुमार राईले परियोजनाले आगामी दिनमा उद्योग प्रतिष्ठानका आवश्यकताअनुरूप नयाँ क्षेत्र पहिचान गरी सोही आधारमा पाठ्यक्रम विकास गरेर थप तालिम सञ्चालन गर्ने बताउनुभयो । प्रशिक्षक सञ्जयकुमार साहले तालिम अवधिमा प्राविधिकहरूलाई ऊर्जा खपत न्यूनीकरणका उपाय, खेर गइरहेको ऊर्जा नियन्त्रण तथा मेसिन प्रयोग र सञ्चालन विधि, प्राप्त ऊर्जाको समुचित उपयोग एवं व्यवस्थापन, ऊर्जा दक्षता पद्धति र महत्वका विषयमा सिकाइने जानकारी गराउनुभयो । तालिममा यस क्षेत्रका विभिन्न उद्योग प्रतिष्ठानका २० प्राविधिकको सहभागिता रहेको आयोजकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच