लण्डन । इंग्लिस प्रिमियर लिगमा चेल्सीले सेफिल्ड युनाइटेडविरुद्ध २-० को जित निकालेको छ । चेल्सीको जितमा कोल पाल्मर र निकोलस ज्याक्सनले गोल गर्नुभएको हो । पछिल्लो चार खेलमा तीन हार बेहोरेको चेल्सी यस खेलअगाडि १३औँ स्थानमा थियो ।
खेलको ५४औँ मिनेटमा रहिम स्टरलिङले दिएको क्रसमा गोल गर्दै पाल्मरले खेलमा चेल्सीलाई अग्रता दिलाउनुभएको थियो । ६१औँ मिनेटमा ज्याक्सनले दोस्रो गोल गर्नुभयो । जितपछि चेल्सी १० खेलमा २२ अंक बटुल्दै १०औँ स्थानमा उक्लिएको छ । सेफिल्ड भने १७ खेलमा आठ अंकका साथ पुछारमा छ ।
यस्तै प्रिमियर लिगको पछिल्लो तीन सिजनको विजेता म्यानचेस्टर सिटी बराबरीमा रोकियो । २-० को अग्रता रहेको सिटी खेलको अन्त्यतिर सम्हालिन नसक्दा क्रिस्टल प्यालेसविरुद्ध २–२ को बराबरीमा रोकिएको हो ।
सिटीले २४औँ मिनेटमा ज्याक ग्रिलिसको गोलमा अग्रता लिएको थियो । ५४औँ मिनेटमा रिको लुइसले दोस्रो गोल गर्नुभयो । जेफ्री स्लुपको क्रसमा जिन-फिलिप मटेटाले ७६औँ मिनेटमा गोल गर्दै प्यालेसलाई खेलमा फर्काउनुभयो । इन्जुरी समयको चौथो मिनेटमा पेनाल्टीमा माइकल ओलिसेले बराबरी गोल फर्काउनुभयो । बराबरीपछि सिटी १७ खेलमा ३४ अंकसहित चौथो स्थानमा नै छ । प्यालेस भने १७ खेलमा १७ अंकसहित १५औँ स्थानमा छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच