बारा । द सहारा लोन सेविंग्स को अपरेटिभ सोसाइटी लिमिटेड मधेश प्रदेशकै नमूना सहकारी रहेको महागढीमाई नगरपालिकाका नगरप्रमुख उपेन्द्र यादवले बताउनु भएको छ ।
बाराको सदरमुकाम कलैया स्थित एभरेष्ट लजको सभाहलमा सोमबार आयोजना गरिएको द सहारा लोन सेभिंग्स को—अपरेटिभ सोसाइटी लिमिटेडको २७ औ वार्षिक साधारण सभा छलफल कार्यक्रममा महागढीमाई नगरपालिकाका नगरप्रमुख यादवले मधेश प्रदेशको नमुना नमूना सहकारी रहेको बताउनुभयो ।
सर्लाहीको मलंगवामा प्रधान कार्यालय रहेपनि मधेश प्रदेशको अधिकांश जिल्लामा आफना शाखाहरु विस्तार गरी गरीब, दलितहरुको पहुँच सम्म सेवा पु¥याउन सफल भएको यो सहाकारीले हरेक तह तप्काका मानिसलाई समेटन सफल भएको कार्यक्रमका प्रमुख अतिथि समेत रनुभएका यादवले बताउनुभयो ।
अहिले बारा जिल्लामा यो सहकारी संस्थाको ३ हजार भन्दा बढी शेयरधनीहरु रहेका छन् । यसले कोरोना जस्तो महामारीको समयमा समेत आफना सदस्यहरुलाई सहयोग गर्दै आएको थियो ।
अहिले देशमा आर्थिक संकटको कारण लगाइएको ऋणको उठाउन समेत गाह्रो रहेको छ, नगरप्रमुख यादवले भन्नुभयो,‘तर यस्तो अवस्थामा पनि जनताको माझमा रहेर ऋण लगाउनु र बचत गर्न लगाउनु सराहनीय कुरा हो । विना धितो ऋण लगानी गर्नु सहज कुरो होइन । अहिले देशका अधिकाँश बैकहरुले लगानी गर्न बन्द गरेको छ, लगानी गरेपनि चर्को ब्याजको कारण सर्वसाधारणहरुले ऋण पाउन गाह्रो भएको छ । तर पनि द सहाराले समाजमा लगानी गरेर जनताहरुको आर्थिक माँगलाई आफूले भ्याएसम्म धान्दै आएको छ । सहकारी हाम्रो बैक हो । सहकारीमा हामी सबैले लगानी गर्नु पर्छ ।’ सहकारी अगाडी बढे समाज अगाडी बढ्छ त्यसैले सहकारीमा लगानी गर्न डराउनु नपर्ने उहाँले बताउनुभयो ।
हामीले ऋण लिनलाई न डराउनु दिनलाई डराउनु पर्ने बताउँदै उहाँले भन्नुभयो,‘ हामीले ऋण लिएर त्यसको सदुपयोग गर्नु पर्दछ । ऋण अगाडी बढने माध्यम हो । तर यसको सदुपयोग गर्न सकिएन भने ऋणले डुबाउँछ । ऋणले मानिसलाई सक्रिय बनाउँछ, काम गर्न उत्प्रेरित गर्दछ । तर ऋणको सदुपयोग गर्न सकिएन भने यसले मानिसलाई झन दुःखी बनाउँछ ।’ आर्थिक भार बढेर जान्छ त्यसैले यसको सदुपयोग गर्न जान्नु पर्दछ अनि मात्र अगाडी बढन सकिने उहाँले जानकारी दिनुभयो ।
कार्यक्रममा नागरिक समाज बाराका अध्यक्ष उमेशलाल दास, उद्योग वाणिज्य संघ बाराका अध्यक्ष राजकुमार साह लगायतको उपस्थिति रहेको थियो ।
द सहारा सहकारी संस्थाका संचालक सदस्य राकेश पाण्डेयको अध्यक्षतामा सम्पन्न कार्यक्रमको संचालन जयनारायण यादवले गर्नु भएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच