काठमाडौं । गेटवे एकेडेमीले १६औँ फेका कप अन्तरविद्यालय छात्र फुटबल प्रतियोगिताको उपाधि जितेको छ । गेटवे पहिलोपटक उपाधि जित्दै फेका कपको नयाँ च्याम्पियन बन्यो । स्वच्छ शैक्षिक प्रतिस्पर्धीहरूको संगठन (फेका) द्वारा आयोजित प्रतियोगिताको फाइनलमा गेटवेले पूर्वविजेता न्यु स्टार पोललाई १-० को झिनो गोलअन्तरले पराजित ग¥यो । गेटवेका प्रतीक रायमाझीले निर्णायक गोल गर्नुभयो । प्रतीक नै फाइनलको ‘म्यान अफ द म्याच’ घोषित हुनुभयो ।
मूलपानीमा तेस्रो स्थानका लागि भएको खेलमा अक्षरिकाले हाइली क्रिएटिभलाई २-१ ले हरायो । अक्षरिकाका निशान थापा ‘म्यान अफ द म्याच’ चुनिनुभयो । शीर्षस्थान हात पार्ने टिमले क्रमशः ४० हजार, २० हजार, १० हजार र पाँच हजार नगद पुरस्कार हात पार्नुभयो ।
प्रतियोगिताको १६औँ संस्करण पार गर्दा कोटदेवी, करियर बिल्डिङ इन्टरनेसनल एकेडेमी र गोठाटारले समान तीन/तीनपटक उपाधि जितेका छन् । न्यु स्टार पोल, कस्मिक इन्टरनेसनल एकेडेमी, ओरियन्टल एकेडेमी, ग्रिनविच एकेडेमी, नेक्सस इन्टरनेसनल एकेडेमी र कौस्तुभ समान एक/एकपटक च्याम्पियन बनेका छन् ।
गेटवेका लक्ष्मण उप्रेतीले दोहोरो व्यक्तिगत उत्कृष्ट खेलाडीको उपाधि जित्नुभयो । लक्ष्मण प्रतियोगिताकै सर्वोत्कृष्ट खेलाडीसँगै सर्वाधिक गोलकर्ता पनि बन्नुभयो । प्रतियोगिताभर लक्ष्मणले ७ गोल गर्नुभयो । हाइली क्रिएटिभका रिसुक स्थापित उदीयमान खेलाडी घोषित हुनुभयो । डिफेन्डरमा न्यु स्टारका दीप बोगटी, मिडफिल्डरमा अक्षरिकाका रविन मगर, गोलरक्षकमा न्यु स्टारका सोमित मण्डल र प्रशिक्षकमा गेटवेका सरिन नापित उत्कृष्ट चुनिनुभयो ।
विजेतालाई प्याब्सनका केन्द्रीय अध्यक्ष डिके ढुंगाना, उपाध्यक्ष कृष्ण अधिकारी, प्रमुख सल्लाहकार टीकाराम पुरी, फेकाका अध्यक्ष श्रीराम दाहाललगायतले एक कार्यक्रमबीच पुरस्कृत गर्नुभयो । सो अवसरमा फेकाका सहसचिवसमेत रहनुभएका प्रतियोगिता संयोजक राजु दाहाललाई प्रतियोगिता सफलतापूर्वक सम्पन्न गर्न अहं भूमिका निर्वाह गरेकोमा प्रशंसापत्र प्रदान गरी सम्मान गरिएको थियो । मंसिर २१ गतेदेखि सुरु प्रतियोगितामा २४ टिमले नकआउट आधारमा प्रतिस्पर्धा गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच