काठमाडौं । बजाजको मोटरबाइक ब्राण्ड पल्सर र गोकर्णेश्वर नगरपालिकासँगको साझेदारीमा नेपाली युथ फिटनेस एण्ड केलिसथेनिक्सको काठमाडौं बौद्धस्थित बागमती नगर पार्कमा आयोजना भएको ऐतिहासिक छैटौँ राष्ट्रव्यापी खुला व्यायाम प्रतियोगिता सम्पन्न भएको छ ।
वल्र्ड पावरलिफ्टिङ र युरोपियन स्ट्रिट लिफ्टिङ महासंघको सम्बद्धतामा आयोजित उक्त ऐतिहासिक कार्यक्रमको सभापतित्व संस्था अध्यक्ष सुकदेव कार्कीले गर्नुभएको थियो भने कार्यक्रमको प्रमुख अतिथि गोकर्णेश्वर नगरपालिकाका प्रमुख दीपक रिसाल रहनुभएको थियो ।
कार्यक्रममा विशिष्ट अतिथिका रूपमा पूर्वप्रधानसेनापति गौरवशमशेर जबरा, पूर्वप्रहरी अतिरिक्त महानिरीक्षक तथा नेपाल शारीरिक सुगठन महासंघका वरिष्ठ उपाध्यक्ष विजयलाल कायस्थ, काठमाडौं शारीरिक सुगठन तथा फिटनेस संघका अध्यक्ष सुरेश सुवेदी, गोकर्णेश्वर नगरपालिकाका खेलकुद विभागका अध्यक्ष सञ्जय लामालगायतको उपस्थिति रहेको थियो ।
देशभरबाट करिब दुई सय खेलाडीहरूको सहभागिता रहेको उक्त प्रतियोगिताको सर्किट विधाअन्तर्गत खुला महिला सर्किटको खेलमा अन्जना थकाली, कृष्णकला विष्ट, महिमा राई, खुला पुरुष सर्किटको खेलमा डेभिड कर्माचार्य, अनुराग भेटुवाल, बुद्ध घिसिङ, जुनियर सर्किट १९ वर्षमुनिको सर्किट खेलमा राजीव राणा, अनुज श्रेष्ठ, सविन गुरुङ, पुरुष सर्किट मास्टर्स ४५ वर्षमाथिको खेलमा मनोहर थापा, चुनिबहादुर रवैका, बालकृष्ण तण्डुकार र महिला सर्किट मास्टर्स ४० वर्षमाथिको खेलमा माया मगर, भेषकुमारी असलामी, मञ्जु गुरुङ, यसैगरी बार विधाअन्तर्गत खुला महिला बारको खेलमा रोशनी गुरुङ, सुमी श्रेष्ठ, पदमा थापा, खुला पुरुष बारको खेलमा समीर लामा, क्षितिज सिंह क्षेत्री, प्रकाश कठायत, जुनियर बार १६ वर्षमुनिको खेलमा सुशान्त नरसिंह राणा, विजय तामाङ, सुजन बुढाथोकीले क्रमशः प्रथम, द्वितीय र तृतीय स्थान हासिल गर्न गर्नुभयो ।
प्रतिस्पर्धामा सर्किट र बार विधाको प्रत्येक समूहअन्तर्गतको खेलमा प्रथम, द्वितीय र तृतीय स्थान हासिल गर्न सफल खेलाडीहरूलाई प्रोत्साहनस्वरूप क्रमशः २० हजार, १५ हजार र १० हजार नगद पुरस्कार साथै मेडल ट्रफी, समूहगत विभिन्न उपाधि र आकर्षक उपहारहरूबाट पुरस्कृत गरिएको थियो । साथै विभिन्न समूहअन्तर्गतका खेलहरूमा शीर्ष पाँचौँ स्थानसम्म हासिल गर्न सफल खेलाडीहरूले प्रतिनिधित्व गर्ने एक क्लब/संघ/संस्थाले प्राप्त गर्ने अंकको मूल्यांकन गर्दा बढी अंक प्राप्त गर्न सफल एनवाइएफसी नेपालगञ्ज यस वर्षको फिटेस्ट क्लबको स्थान प्राप्त गर्न सफल रहृयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच