काठमाडौं । बालकुमारी रिमिक्स क्लबका सुमित महर्जन र सेनाका सुरोज महर्जनको जोडी ललितपुर जिल्ला ब्याडमिन्टन संघको आयोजनामा भएको दोस्रो मेयर कप राष्ट्रिय ब्याडमिन्टन प्रतियोगिता २०८० को दोस्रो चरणमा प्रवेश गरेका छन् । उच्च २० वरीयताबाहेकका पुरुष युगलमा महर्जन जोडीले जोरपाटी ब्याडमिन्टन क्लबका सञ्जीव कटवाल र केदार सुवेदीको जोडीलाई २१-७, २१-३ ले पराजित गर्दै दोस्रो चरणमा प्रवेश गरेका हुन् । बालकुमारी रिमिक्स क्लबको सहआयोजनामा भएको प्रतियोगिताको अर्को खेलमा दथुलँका रत्न बज्राचार्य र सुजन शाक्यको जोडीले पनि आफ्ना प्रतिद्वन्द्वी सुनाकोठीका अनिलकुमार महर्जन र राजकृष्ण महर्जनको जोडीलाई २१-१२, १७-२१, २३-२१ ले पराजित गर्दै दोस्रो चरण प्रवेश गर्यो ।
रिमिक्स क्लबको आफ्नो कोर्टमा भएको प्रतियोगिताको बुधबार दोस्रो चरण प्रवेश गर्नेमा सेनाका सूर्य महर्जन र सुप्रिम पन्थको जोडी सैबु ब्याडमिन्टन क्लबका मधुसुदन थापा र शैलेन्द्र थापाको जोडीलाई २१-७, २१-१३, हेमरिकका मनिषवीर बज्राचार्य निशेषराज शाक्यको जोडीले बालकुमारीका क्यारोन महर्जन र रमन महर्जनको जोडीलाई २२-२०, १४-२१, २१-१९, एपिएफका प्रनिशसिंह ठकुरी र सुजन थापाको जोडीले नमुना ब्याडमिन्टन क्लबका रामप्रसाद चौधरी र अशोककुमार खातीको जोडीलाई २१-१२, २१-१५, ललितपुर वडा नं. ६ का गौतम शाक्य र सञ्जय शाक्यको जोडीले एपिएफका प्रदीप सोती र आरुष सिंखडाको जोडीलाई २१-८, २१-१७ लाई पराजित गर्यो ।
बालकुमारीका दिप्रिसमुनि बज्राचार्य र शान्ता डंगोलको जोडीले कोन्तीका निराजन खड्गी र रितेश खड्गीको जोडीलाई २१-१३, २१-१२, एपिएफका अमन महर्जन र अनिल मल्लको जोडीले सेनाका कविर केसी र लक्ष्मण रानाको जोडीलाई १५-२१, २२-२०, २१-९, सैबु ब्याडमिन्टन क्लबका सनबहादुर राई र कमल तामाङको जोडीले भैंसेपाटीका बुद्धिमान बुढाथोकी र दिनेश ठकुरीको जोडीबाट वाकओभर, जोरपाटी ब्याडमिन्टन क्लबका लोक लामा र लक्ष्मण सुनुवारको जोडीले हरिसिद्धिका साजन महर्जन र सञ्जीव महर्जनको जोडीलाई २१-११, २१-९, चाकुपाटका सुमन शाक्य र जुवान तण्डुकारको जोडीले ललितपुर वडा नं. ६ का रोजल शाक्य र सुमेध शाक्यको जोडीलाई २३-२१, २५-२३ लाई पराजित गरेको छ । बालकुमारीका दिपेन महर्जन र भुवन श्रेष्ठको जोडीले कैलालीका सन्देश पाण्डे र सुवास साउदको जोडीलाई २१-११, २१-१६, चासिडोल ब्याडमिन्टन क्लबका राम लामा र साजन महर्जनको जोडीले बुङ्गमतीका विनेश महर्जन र कवि तुलाधरको जोडीलाई २१-१९, १४-२१, २१-१२, मानभवनका विभोर लामा र जय राईको जोडीले सुनाकोठीका रविन्द्र महर्जन र राकेश महर्जनको जोडीलाई २१-१८, २१-१६ ले पराजित गर्यो ।
यसैगरी कीर्तिपुरका निखिल भट्ट र सेनाका सन्तोष पनेरुको जोडीले बालकुमारीका श्याम महर्जन र दथु राईको जोडीलाई २१-११, २१-११, एपिएफका जोसेफ अधिकारी र भोजबहादुर गुरुङको जोडीले क्लब ७ का सुमन महर्जन र उज्ज्वल शाक्यको जोडीलाई २१-११, २१-१३, एपिएफका सोम्बर चौधरी र विशाल प्रधानको जोडीले हेमरिकका सिद्धार्थ महर्जन र राकेश शाक्यको जोडीलाई १८-२१, २१-१५, २१-१४, चन्द्रागिरिका माधव ढकाल र प्रनिश ढकालको जोडीले माउण्ट ओलिभ स्कुलका सुमन मावो लिम्बू र रिजन याम्फुको जोडीलाई २१-१८, २१-१७, जोरपाटी ब्याडमिन्टन क्लबका दिवस पाण्डे र युवराज तामाङको जोडीले काठमाडौंका आयुश साम्ला र आयुष्मान श्रेष्ठको जोडीलाई २१-१७, २१-१७ ले पराजित गर्दै दोस्रो चरणमा स्थान पक्का गरे ।
पाँच दिनसम्म सञ्चालन हुने प्रतियोगितामा पुरुष एकल, महिला एकल, यू-१७ छात्र तथा छात्रा एकल, नेपाल ब्याडमिन्टन संघको शीर्ष २० वरीयताबाहेकको पुरुष युगल र ४५ वर्षमाथिको भेट्रान्स युगल (खुला) गरी ६ विधामा प्रतिस्पर्धा हुनेछ ।
प्रतियोगितामा पुरुष एकल र महिला एकलतर्फ विजयी खेलाडीहरूले नगद ४० हजारका साथै मेडल, प्रमाणपत्र र ट्रफी प्राप्त गर्नेछन् । यस्तै उपविजयी खेलाडीहरूले नगद २० हजारका साथ मेडल, प्रमाणपत्र र ट्रफी प्राप्त गर्नेछन् । यस्तै तेस्रो स्थान प्राप्त गर्ने दुई खेलाडी प्रत्येकले नगद १० हजारका साथ मेडल, प्रमाणपत्र र ट्रफी प्राप्त गर्नेछन् ।
यसैगरी पुरुष युगलतर्फका विजयी जोडीले नगद ४० हजार, उपविजयी जोडीले नगद २० हजार र तेस्रो स्थान प्राप्त गर्ने प्रत्येक जोडीले नगद १० हजारसहित मेडल, प्रमाणपत्र र ट्रफी प्राप्त गर्नेछन् । यू-१७ छात्र/छात्रा तथा भेट्रान्स युगलतर्फका विजयी खेलाडीहरूले नगद २० हजार, उपविजयीले नगद १० हजार र तेस्रो स्थान प्राप्त गर्ने खेलाडीहरूले नगद पाँच हजार मेडल, प्रमाणपत्र र ट्रफी प्राप्त गर्नेछन् । प्रतियोगिताको खर्च करिब ३० लाख रहेको छ । प्रतियोगितामा २६७ खेलाडीहरूले विभिन्न ६ स्पर्धामा प्रतिस्पर्धा गर्ने रेफ्री अनुपरत्न शाक्यले जानकारी गराउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच