एक मनुवाको रातोदिनको तपस्या देखेर महादेबमा दया पलायो । उनी प्रकट हुँदै भने- भन, तपस्वी! तिमीलाई के बर चाहियो ?
तपस्वी मनुवाले भने – हे प्रभु ! भोलेनाथ ! म हजूरको आशनमा बस्न पाऊँ ।
मेरो आसनमा बसेर के गर्छ्यौ ? महादेबले सोधे ।
हजूरको भूमिका निर्वाह गर्छु – तपस्वीले भने ।
मेरो भूमिका निर्वाह गर्न त्यती सजिलो छैन, त – महादेबले भने ।
हजूरले बर दिएमा सकिहाल्छु – तपस्वीले हौसिँदै भने ।
भक्त अघि भगवानको के नै दैया चल्छ र ! लामो सुस्केरा हाल्दै, महादेबले (अनकनाउँदै) हुन्छ भन्ने शिर हल्लाए । र भने एक सर्तमा मात्रै – मेरो आसनमा बसुञ्जेल मौन बस्ने र यो आसन केवल तिमीलाई केही समयको लागि मात्र (OIC- अफिसर इन चार्जको) रुपमा दिंदैछु भन्दै तथास्तु भने ।
मनुवाले प्रभूको जय होस् भन्दै हत्त न पत्त महादेबको आसनमा बस्न हतारिए । भगावान् महादेब तत् क्षणै अलप भए ।
एक धनपति प्रभू–महादेबको दर्शन गर्न आए । दर्शन गरेर फर्कदा उनको धनराशीको थैलो भूईंमा झर्यो ।
त्यसपछि एक भिकारी दर्शन गर्न आए । महादेबसँग हारगुहार गर्दै बरदान मागे । फर्कदा भूईंमा स्वर्ण मुद्राले भरिएको थैली देखे। महादेबको जय होस् भन्दै टिपे र खुशी हुँदै दौडिए । एकैछिनमा अर्का मनुवा महादेबको दर्शन गर्न आए ।
यत्तिकैमा धनपति पुलिस सहित थैली खोज्दै महादेबको मन्दिरमा आए । ती मनुवालाई पुलिसले समात्यो । स्वर्ण मुद्राको थैलो खोई भन्दै हकार्याे । ति मनुवाले अनविज्ञता प्रकट गरे । तँ, तँ, फटाह चोर ! लातको भूत बातले कहाँ मान्छस् भन्दै पुलिसले लौराले चुट्न थाल्यो ।
एइ्या, एइ्या ! ! मैले हैन, रुँदै कराउने भन्न थाले । त्यो दृश्य महादेबलाई असह्य भयो । तिनले हैन भिकारीले लगेको छ– महादेबले भने । पुलिसले भिकारीलाई समात्यो र थुन्यो । भिकारीको साथमा रहेको थैलो पुलिसले धनपतिलाई दियो ।
साँझ पख महादेब प्रकट भए । ओआइसी पाएका महादेबले सर्त पूरा गर्न चुकेकाले आफ्नो असली रुप मनुवा भए । मैले जायज नै गरेको थिएँ । किन मलाई हटाइयो भन्दै मनुवाले महादेबलाई बिन्ति गरे ।
महादेबले भने– ती धनपती आज व्यपारकोलागी सिंगापुर जाँदै थिए । ती अर्का भिकारीको छोराको मुटुको अपरेशनलागी पैसा जोह गर्नु पर्ने थियो । अर्को खुङ्खार अपराधी थियो । तिमीले मौनता तोड्नाले धनपतीले हराएको धन भेटे र सिंगापुर उडे ।
उनी चढेको प्लेन क्रास् भएर उनको मृत्यू भयो । भिकारी थुनामा मात्रै परेन उनको छोराको इलाज गर्न नपाएर मृत्यू भयो । खुङ्खार अपराधीलाई पुलिसले छोडिदियो ।
संवेदनशील पदमा बसेपछि विवेकको सही प्रयोग गर्न सक्नु पर्दछ, तर तिमीले सकैनौँ – महादेबले भने ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच