काठमाडौं । नेपाली कांग्रेसका सभापति शेरबहादुर देउवाले नेता कार्यकर्ताकाे त्याग तपस्या र बलिदानले कांग्रेस ठूलो पार्टी बन्न सकेको बताउनु भएको छ ।
वाग्मती प्रदेश सम्मेलनलाई आज संबोधन गर्दै सभापति देउवाले अपेक्षा नगरी पार्टीका लागि योगदान गर्ने नेता तथा कार्यकर्ता रहेको बताउनु भयो। त्यस्ता नेता तथा कार्यकर्ताप्रति आफ्नो सम्मान रहेको उहाँले बताउनु भयो ।
पार्टीमा मेलमिलाप आवश्यक रहेको उहाँले बताउनु भयो । "जितहार स्वाभाविक भएको भन्दै हार्नेले जित्ने साथीलाई सहयोग गर्नुपर्छ ।" उहाँले भन्नुभयो “जित्ने सधैँ जित्ने हार्ने सधैँ हार्ने होइन । पूर्ण रुपमा मेलमिलाप हुन सकेको छैन,” सभापति देउवाले भन्नुभयो ।
साथै सभापति देउवाले अहिले देश दोधारमा उभिएको बताउनु भयो “देश अहिले संक्रमणकालमा उभिएको छ । कांग्रेस नेतृत्वदायी भूमिकामा बसेर समावेशी समानुपातिक लोकतान्त्रिक व्यवस्था स्थापित गरेका छौँ । यो महत्वपूर्ण कुरा हो,” उहाँले भन्नुभयो, “साथीहरूको त्याग तपस्या र बलिदानले ठूलो पार्टी बन्न सकेको छ । ग्रासरुटदेखि नै बलियो बनाउन सबै साथीहरू लाग्नुहुनेछ ।”
सभापति देउवाले पार्टीलाई अझै सुदृढ गर्दै तल्लो स्तरबाटै पार्टीलाई पूर्ण रूपमा प्रतिबद्ध गराइ बलियो बनाउन लाग्नुपर्ने बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच