काठमाडौं । पिकलबल संघ नेपालको आयोजनामा फागुनमा नेपाल अन्तर्राष्ट्रिय पिकलबल प्रतियोगिता हुने भएको छ । सातदोबाटोस्थित टेनिस कोर्टमा फागुन २५ र २६ गते प्रतियोगिता आयोजना गरिने संघले जानकारी दिएको छ । नेपालका २४ सहित भारत, थाइल्याण्ड, बेलायत, स्पेनका गरी १२० खेलाडीको प्रतियोगितामा सहभागिता रहने बताइएको छ ।
टोलीका व्यवस्थापक ज्याक्सन सुवेदीले तीन विधा एमेच्योर, इन्टरमेडिड, एड्भान्समा महिला पुरूष १९ वर्ष, ३५ वर्षमाथि, ५० वर्ष र ६० वर्षमाथि अलग-अलग प्रतिस्पर्धा हुनेछ । महिला पुरुष सिंगल, डबल्स, मिक्स डबल्समा २१६ पदकका लागि प्रतिस्पर्धा हुनेछ । प्रतियोगितामा भाग लिने खेलाडीका लागि दर्ता खुला गरिएको आयोजकले जानकारी दिएको छ ।
संघका अध्यक्ष मुकुन्द भण्डारीले पिकलबल नेपालमा नयाँ खेल भएको बताउनुभयो । चार वर्षअघि पिकलबल सुरु भए पनिकोभिडका कारण सोचेजस्तो विस्तार गर्न नसकिएको जानकारी दिनुभयो । अध्यक्ष भण्डारीले भविष्यमा सगरमाथाको आधार शिविरमा प्रतियोगिताको आयोजना गर्ने योजना रहेको बताउनुभयो ।
पछिल्लो डेढ वर्षमा सयभन्दा बढी खेलाडी तयार भएको र भविष्यमा खेलाडी बढाउने लक्ष्य रहेको अध्यक्ष भण्डारीले जानकारी दिनुभयो । पिकलबल सन् १९६५ मा अमेरिकामा सुरु भएको थियो ।
टोलीका संयोजक फत्तेबहादुर खड्काले पिकलबलको विकासले पर्यटन व्यवसायमा टेवा पुग्ने विश्वास लिइएको बताउनुभयो । विशाल मिलन केन्द्रका सचिव लक्ष्मण थापाले समुदायलाई जोड्न पिकलबल सहयोगी हुने विश्वास व्यक्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच