काठमाडौं । काठमाडौं जेभियर्स र सनसाइन १२औँ प्याब्सन मध्यक्षेत्रीय बास्केटबल प्रतियोगिताको जुनियर ब्वाइजमा फाइनलमा प्रवेश गरेका छन् । प्याब्सन मध्यक्षेत्रीय समिति, काठमाडौंद्वारा आयोजित प्रतियोगितामा काठमाडौं जेभियर्सले चैतन्यलाई २०-१२ ले पराजित ग¥यो । काठमाडौं जेभियर्सका रोशन राउतले पाँच अंक जोड्नुभयो । सनसाइनले अवेरनेस इन्टरनेसनल एकेडेमी (एआइए) लाई १३-१२ ले हरायो । सनसाइनका सुवासले ७ स्कोर गर्नुभयो ।
सिनियर ब्वाइजमा पनि काठमाडौं जेभियर्स फाइनलमा पुग्न सफल भयो । काठमाडौं जेभियर्सले एआइएलाई २२-१४ ले पाखा लगायो । जितमा रोनित श्रेष्ठले नौ अंकको योगदान गर्नुभयो । फाइनलमा काठमाडौं जेभियर्सले हेम्सको सामना गर्नेछ । अर्को सेमिफाइनलमा हेमन्तको ५१ अंकको सहयोगमा हेम्सले सनसाइनलाई ५१-३० ले पन्छाएको थियो ।
सिनियर गल्र्समा एसियन पब्लिक र इनोभेटिभ उपाधिका लागि भिड्नेछन् । एसियन पब्लिकले सिर्जनशीलमाथि १३-७ को जित दर्ता ग¥यो । एसियनकी सारिका बोहराले पाँच स्कोर गर्नुभएको छ । इनोभेटिभले काठमाडौं जेभियर्सलाई २०-५ ले सहजै पाखा लगाउँदै तीन उपाधिनजिक पुग्नबाट रोक्यो । इनोभेटिभकी रिद्धि घर्तीले १४ अंक जोड्नुभयो ।
यस्तै, आयोजक ठुङ्रम इन्टरनेसनल एकेडेमी (टिआइए) ‘बी’ ले १५औँ टिआइए कप अन्तरविद्यालय बास्केटबल प्रतियोगिताको सिनियर गल्र्सको उपाधि जितेको छ । हात्तीगौंडास्थित घरेलु कोर्टमा टिआइए ‘बी’ ले हिमालयन बोर्डिङ स्कुललाई १४-११ ले पराजित गर्यो । टिआइए ‘बी’ की पेमा डोमा शेर्पाले चार अंक जोड्नुभयो ।
सिनियर गल्र्समै वसुन्धरा नेसनल एकेडेमी (बिएनए) ले टिआइए ‘ए’ लाई १४-७, निम्सले स्किब्सलाई १६-६ र एनसिसिएसले मञ्जरीलाई ३३-२ ले हरायो । बिएनएकी स्मृति खत्रीले १४, निम्सकी टिना लिम्बूले ६ र एनसिसिएसकी ग्रिभा महर्जनले १३ स्कोर गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच