काठमाडौं । नेपाल एपिएफ क्लबले प्रधानमन्त्री कप(पिएम) महिला टी-२० राष्ट्रिय प्रतियोगितामा कर्णाली प्रदेशलाई ९२ रनले हराउँदै प्लेअफमा स्थान पक्का गरेको छ । एपिएफ लगातार पाँच जितका साथ प्लेअफमा पुग्ने पहिलो टोली बन्यो । जितका लागि १६१ रनको लक्ष्य पछ्याएको कर्णालीले २० ओभरमा आठ विकेट गुमाउँदै ६८ रन बनायो । कर्णालीकी तिर्सना विश्वकर्माले १९ बलमा तीन चौकासहित १९ रन बनाउनुभयो । रश्मी खड्काले १० र गौरी बोहराले १२ रन बनाउनुभयो ।
एपिएफकी स्पिनर करुणा भण्डारीले चार ओभरमा एक मेडनसहित १३ रन खर्चेर चार विकेट लिनुभयो । सुमन विष्टले दुई, विनु बुढामगर र सीता रानामगरले समान एक विकेट लिनुभयो ।
त्यसअघि टियु क्रिकेट मैदानमा टस जितेर पहिला ब्याटिङ रोजेको एपिएफले निर्धारित २० ओभरमा दुई विकेट गुमाउँदै १६० रन बनाएको थियो । एपिएफको जितमा राजमती ऐरीले ५५ बलमा नौ चौका र दुई छक्कासहित ६७ रनको आक्रामक इनिङ खेल्नुभयो । अर्का ओपनर ममता चौधरी ५५ बलमा आठ चौकासहित ६२ रनमा रन आउट रहनुभयो ।
रोमा थापा नौ बलमा दुई चौकासहित १४ र मञ्जु बोगटी एक रनमा अविजित रहनुभयो । कर्णालीका लागि तिर्सना विश्वकर्माले एक विकेट लिनुभयो । एपिएफ पाँच खेलमा १० अंकका साथ शीर्षस्थानमा छ ।
यस्तै, कोशी प्रदेशले गण्डकी प्रदेशलाई ५५ रनले हराएको छ । चौथो जितका साथ कोशीले प्लेअफ सम्भावना लगभग पक्कापक्की गरेको छ । जितका लागि १०४ रनको मध्यम विजयी लक्ष्य पछ्याएको गण्डकी १५ ओभरमा ४८ रनमा समेटियो । गण्डकीकी सुमन खतिवडा २० बलमा तीन चौकासहित २१ रनमा अविजित रहनुभयो ।
गण्डकीका अन्य कुनै पनि खेलाडीले दोहोरो अंकमा रन बनाउन सकेनन् । ओपनर अञ्जली विश्वकर्मा आठ, ज्योत्स्नाका मरासिनी ६, सृष्टि पौडेल एक, सीमा केसी पाँच र धनकुमारी दुई रनमा आउट हुनुभयो । कोशीकी रुविना क्षेत्रीले एक ओभरमा एक रन खर्चेर तीन विकेट लिनुभयो । संगीता राई र एलिसा खडियाले दुई-दुई विकेट लिनुभयो ।
त्यसअघि माथिल्लो मूलपानी क्रिकेट मैदानमा टस जितेर पहिला ब्याटिङ रोजेको कोशीले निर्धारित २० ओभरमा आठ विकेट गुमाउँदै १०३ रन बनाएको थियो । कोशीकी विमला मलहाले ३७ बलमा दुई चौकासहित २५ रन बनाउनुभयो । लखिता राजवंशीले २२ र संगीता राईले २३ रन बनाउनुभयो । गण्डकी प्रदेशकी कुसुम गोदार र सृष्टि जैशीले दुई-दुई विकेट लिनुभयो ।
आकृति तिवारी, रचना चौधरी र सुमन खतिवडाले एक-एक विकेट लिनुभयो । कोशी पाँच खेलमा चारमा जित र एकमा हारसहित आठ अंकका साथ दोस्रो स्थानमा छ ।
एपिएफ पाँच खेलमा अपराजित रहँदै शीर्षस्थानमा छ । गण्डकी पाँच खेलमा एकमा जितसहित छैटौँ स्थानमा छ । प्लेअफमा पुग्ने अब अंकगणितीय सम्भावनामात्रै बाँकी छ । आठ टोली सहभागी पिएम कपमा शीर्ष चार टोली प्लेअफमा पुग्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच