धनगढी । प्रधानमन्त्री कप पुरुष एकदिवसीय राष्ट्रिय क्रिकेट प्रतियोगिताको सुदूरपश्चिम प्रदेशस्तरीय छनोटअन्तर्गत इलाइट च्याम्पियनसिपमा कैलालीले दोस्रो जित निकालेको छ । दोस्रो जित दर्ता गर्ने क्रममा कैलालीले बझाङलाई १०६ रनले हरायो । जितका लागि पाएको २१२ रनको लक्ष्य पछ्याएको बझाङ २६ दशमलव पाँच ओभरमा १०६ रनमा समेटियो ।
त्यसमा किरन कार्कीले सर्वाधिक ३९ रन बनाए पनि हार भने टार्न सक्नुभएन । कैलालीका प्रकाश सुनारले तीन, धर्म जोशी र डमेर सुनारले २/२ विकेट हात पार्नुभयो । यसअघि फाप्ला मैदानमा टस जितेर पहिला ब्याटिङ गरेको कैलालीले ३५ ओभरमा ६ विकेटको क्षतिमा २११ रन बनायो ।
कैलालीका ओपनर टेक रावतले अर्धशतकीय पारी खेल्दै ९१ रन बनाउनुभयो । बझाङका अशोक धामीले दुई विकेट लिनुभयो । कैलालीका टेक रावत म्यान अफ द म्याच चुनिनुभयो ।
योसँगै कैलालीले तीन खेलमध्ये दुईमा जित निकाल्दै चार अंक जोड्दै फाइनलको सम्भावना जीवितै राखेको छ । लगातार तेस्रो हार व्यहोरेको बझाङ भने प्रतियोगिताबाट बाहिरिएको छ । कैलालीले अब अन्तिम खेल आइतबार बैतडीसँग खेल्नेछ ।
सुदूरपश्चिम प्रादेशिक क्रिकेट संघको आयोजनामा यही पुस १४ गतेदेखि सुरु भएको प्रतियोगिता पुस २४ गते सम्पन्न हुनेछ ।
इता, मधेश प्रदेशस्तरीय छनोट प्रतियोगितामा धनुषा र सिरहा विजयी हुनुभएको छ । कलैयाको सिद्धेश्वर क्रिकेट मैदानमा सम्पन्न खेलमा धनुषाले महोत्तरीलाई ७ विकेटले पराजित गरेको हो ।
टस जितेर पहिले बलिङ रोजेको धनुषाले महोत्तरीलाई ४२ ओभरमा अलआउट गर्दै २०० रनमा समेटेको थियो । महोत्तरीका नवीन यादवले अर्धशतक बनाउनुभएको थियो । नवीनले ६१ बलमा ५१ रन बनाउनुभएको थियो ।
धनुषाका रुपेश यादवले ५१ रन खर्चिएर ४ विकेट लिनुभयो । २०१ रनको लक्ष्यसहित जवाफी ब्याटिङमा उत्रिएको धनुषाले ३ विकेटको क्षतिमा ३४ ओभरमा लक्ष्य पूरा गरेको थियो । धनुषाका लागि हरि शंकर साहले १०४ बलमा ९४ रन बनाउनुभयो ।
अर्को खेलमा सिरहाले सप्तरीलाई ५० रनले हराएको छ । टस हारेर पहिले ब्याटिङको निम्तो पाएको सिरहाले ३८ दशमलव ५ ओभरमा अलआउट हुँदै १४८ रन बनायो । सिरहाका शैलेन्द्र साहले ३४ बलमा ३२ रन बनाउनुभएको थियो । सप्तरीका गुणनन्द रायले २० रन खर्चंदै ३ विकेट लिनुभएको थियो ।
१४९ रनको सामान्य लक्ष्य पछ्याएको सप्तरी ३१ दशमलव ३ ओभरमा अलआउट हुँदै ९८ रन मात्र बनाउन सक्यो । सप्तरीका लागि गुणनन्द रायले ४१ बलमा २६ रन बनाउनुभयो । सिरहाका रुपेश सिंहले २५ रन खर्चिंदै ४ विकेट हात पार्नुभयो । खेलको प्लेयर अफ द म्याच सिरहाका रुपेश सिंह घोषित हुनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच