काठमाडौं । भौतिक पूर्वाधार तथा यातायामन्त्री प्रकाश ज्वालाले नारायणगढ-बुटवल र मुग्लिन-पोखरा सडक खण्डको कामले तिब्रता पाएको बताउनुभएको छ ।
बिहीवार काठमाडौंमा आयोजित पत्रकार सम्मेलनमा बोल्दै उहाँले यस्तो बताउनुभएको हो । उहाँले दुवै राजमार्गहरुको एक साइट टु लेन छिटो भन्दा छिटो सक्ने गरी काम अघि बढाइएको बताउनु भयो ।
उहाँले सरकारलै सो क्षेत्रमा समस्या समाधान पहिचान गरिसकेकाले अब काम तिब्र रुपमा अघि बढ्ने दाबी गर्नुभयो । उहाँले मन्त्रायलसहितको टिम केही दिनमै सो राजमार्गको अवलोकन एवं निरीक्षणका लागि जाने सो क्रममा सर्वपक्षिय भेला राखेर समस्याको समाधान गरी काम छिटो सक्ने बताउनु भयो ।
उहाँले सो सडकखण्डका मुख्य समस्या स्थानीय निर्माण सामग्री रहेको बताउनु भयो । निर्माण सामग्रीको हकमा पनि नारायणगढ—बुटवलको पूर्वीखण्डमा समस्या नरहेको तर पश्चिम खण्डमा रहेको केही समस्याको समाधानका लागि स्थानीय तहसँग समन्वय र सहकार्यको पहल गरिरहेको बताउनु भयो ।
उहाँले सो सडकखण्डहरुमा अहिले विद्युत पोल र तारको केही समस्या रहेपनि चाँडै त्यसको समाधान हुने प्रतिवद्धता व्यक्त गर्नुभयो । सरकारले अहिले सडकको मर्मतसम्भारलाई पहिलो प्राथमिकतामा राखेर काम गरिरहेको पनि बताउनु भयो । उहाँले पछिल्लो समय दुवै सडक खण्ड (नारायणगढ-बुटवल र मुग्लिन-पोखरा) मा प्रगति उल्लेख्य रहेको बताउनु भयो ।
उहाँले भन्नुभयो, ‘अहिलेका समस्या केके हुन् भन्नेकुरा एकएक गरेर हामीले पहिचान गरिसकेका छौँ । अहिले हामीलाई कन्ट्याक्टरले भनेको मुख्य समस्या भनेको स्थानीय निर्माण सामग्रीहरु हो । निर्माण सामग्रीको हकमा पनि नारायणगढ—बुटवलको पूर्वीखण्डमा त्यो समस्या छैन, पहिलादेखि नै समाधान भइसकेको छ । पश्चिम खण्डमा रहेको केही समस्याको समाधानका लागि हामीले स्थानीय तहसँग पनि सहमति गरिरहेका छौँ । बुटवल उपमहानगरपाकिलासँग, सुनौलो, खैरेनी नगरपालिका, देवदह नगरपालिकासँग् सहमति भइसकेको छ । अब निर्माण सामग्रीको पनि अभाव हुँदैन । अब मुलतः कन्ट्याक्टरको हिसावबाट आवश्यक उपकरण, आवश्यक जनशक्ति र आवश्यक बजेटको व्यवस्था गर्नुपर्छ । त्यसका निम्ति पनि हामीले निरन्तर प्रयत्न गरिरहेका छौँ । अहिले विद्युत पोल र तारको केही समस्या छ, त्यो काम पनि अघि बढेको छ । क्लियरेन्स गर्न विद्युत पोल र तारको काम केही बाँकी भएपनि काम गर्न प्रशस्त ठाउँ छ । अहिले तत्काललाई मर्मतसम्भारको कुरालाई प्राथमिकतामा दिउँ भनेर लागेका छौँ । हाम्रो अहिलेको प्राथमिकता भनेको एक साइट टु लेन छिटो भन्दा छिटो सक्ने गरी काम गर्ने हो । हामी केही दिनमै दुवै राजमार्ग नारायणगढ-बुटवल र मुग्लिन-पोखराको लागि पनि त्यहाँ जाँदै छौँ । त्यहाँ गएर सर्वपक्षिय भेला जस्तो राख्छौँ । समाधानको निकास निकाल्नेछौँ । पछिल्लो समयमा प्रगति केही अघि बढेको छ । केही न केही सुधार भएको छ । काममा तिब्रता आएको छ । यसलाई गतिदिन विभिन्न दबाब दिएर काम सक्ने गरी अघि बढ्नेछौँ ।’
मन्त्री ज्वालाले सरकारले लगाएका ठेक्का पट्टालाई काम लगाउने नै पहिलो प्राथमिकता बनाएको बताउनु भयो । उहाँले काम गरे/नगरेको बारेमा मन्त्रालयको टिम नै गएर अवलोकन एवं निरीक्षण गर्ने र कााम नभएको देखिए ठेक्का तोड्ने पनि बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच