गण्डकी । बागमती प्रदेशले केपी ओली टी-२० कपमा विजयी सुरुवात गरेको छ । पोखरामा बिहीबारदेखि सुरु भएको प्रतियोगितामा बागमतीले मदन भण्डारी स्पोर्ट्स एकेडेमी रेडलाई १०९ रनले हराउँदै उत्कृष्ट सुरुवात गरेको हो ।
पोखरा क्रिकेट रंगशालामा टस हारेर पहिला ब्याटिङको निम्तो पाएको बागमतीले निर्धारित २० ओभरमा सात विकेट गुमाउँदै १८४ रन बनाएको थियो । बागमतीका युवा ब्याटर रित गौतमले ५३ बलमा आठ चौका र तीन छक्कासहित ७४ रनको प्लेयर अफ द म्याच इनिङ खेल्नुभयो ।
अर्का ओपनर शुभ कंसाकार २२ बलमा चार चौका र एक छक्कासहित २७, प्रतीक श्रेष्ठ १४, प्रतिश जिसी ९ र सन्दीप लामिछाने १८ रनमा आउट हुनुभयो । सन्दीपले चार बलमा तीन छक्का प्रहार गर्नुभयो ।
रेडका विप्रसन केसीले तीन ओभरमा ३९ रन खर्चेर तीन विकेट लिनुभयो । सन्देश थापा र सन्तोष यादवले एक-एक विकेट लिनुभयो । जितका लागि १८५ रनको विजयी लक्ष्य पछ्याएको रेड १४.२ ओभरमा ७५ रनमा अल आउट भयो ।
उसका लागि अमर मिश्र र विजय प्रजापतीले सर्वाधिक १३-१३ रन बनाउनुभयो । निर्मल थापाले १० र सन्तोष यादवले १२ रन बनाउनुभयो । अन्यले दोहोरो अंकमा रन छुन सकेनन् ।
बागमतीका सन्दीप लामिछानेले चार ओभरमा १६ रन खर्चेर चार विकेट लिनुभयो । सुवास खत्रीले २.२ ओभरमा १६ रन खर्चेर ३ विकेट लिनुभयो । प्रतिशले दुई र रिजन ढकालले एक विकेट लिनुभयो ।
मंसिर १५ सम्म चल्ने प्रतियोगितामा १२ टोली छन् । समूह ‘ए’ मा बागमती, कर्णाली, मदन भण्डारी स्पोर्ट्स एकेडेमी रेड छन् । समूह ‘बी’ मा एपिएफ, गण्डकी र लुम्बिनी प्रदेश छन् । समूह ‘सी’मा नेपाल पुलिस क्लब, सुदूरपश्चिम प्रदेश र मधेश प्रदेश छन् । समूह ‘डी’मा आर्मी, कोशी र मदन भण्डारी स्पोर्ट्स एकेडेमी ब्लु छन् । हरेक समूहका शीर्ष टोलीले सेमिफाइनल खेल्नेछन् ।
मदन भण्डारी स्पोटर््स एकेडेमीको आयोजनामा सुरु भएको प्रतियोगिताको उद्घाटन नेकपा (एमाले)का अध्यक्ष एवं पूर्वप्रधानमन्त्री केपी शर्मा ओलीले गर्नुभएको थियो । उहाँले खेलको उद्घाटन गर्दै नेपाल पनि क्रिकेटमा विश्वस्तरमा प्रतिस्पर्धा गर्न सक्ने अवस्थामा पुगेको बताउनुभयो ।
खेल विकासका लागि पूर्वाधार निर्माणसँगै खेलाडीलाई प्रोत्साहित गर्नुपर्नेमा जोड दिँदै उहाँले खेललाई व्यावसायिकरूपमा स्तरोन्नति गर्दै जानुपर्ने बताउनुभयो । खेलमा शारीरिक तथा मानसिक क्षमताको संयुक्त प्रदर्शन हुने बताउँदै अध्यक्ष ओलीले खेलबाट पहिचान र गरिमा बढाउन सकिने बताउनुभयो ।
एमाले नेतृत्वको सरकारको समयमा दशरथ रंगशालादेखि देशका विभिन्न रंगशालाको निर्माण गरेको उहाँले सुनाउनुभयो । मदन भण्डारी फाउण्डेसनले खेलका माध्यमबाट राष्ट्रको गरिमा बढाउन गरेको सुरुवात प्रशंसनीय भएको उहाँको भनाइ छ ।
प्रतियोगिताको च्याम्पियन टोलीले पाँच लाख रुपैयाँ, शिल्ड, मेडल र प्रमाणपत्र पुरस्कार प्राप्त गर्नेछन् । यसैगरी उपविजेता टोलीलाई दुई लाख ५० हजार, शिल्ड, मेडल र प्रमाणपत्र पुरस्कार दिइनेछ । प्रतियोगितामा ‘म्यान अफ द प्लेयर’ले नगद ३० हजार, ‘बेस्ट बलर’ २० हजार, र ‘प्लेयर अफ द म्याच’ हुनेले नगद पाँच हजार रुपैयाँ पुरस्कार पाउने आयोजकले जनाएको छ ।
विशाल ग्रुपका अनेक बदमासी, अनुसन्धानको
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच