काठमाडौं । कम्प्युटर एसोसिएसन नेपाल(क्यान महासंघ)ले विदेशी मुद्राको सटही रोकिँदा नेपालको इन्टरनेट सेवा उद्योग जटिल मोडमा पुगेको जनाएको छ । गाँस, बास, कपासजस्तै अति आवश्यक सेवाका रूपमा रहेको इन्टरनेटको भविष्य अन्योलमा रहनु निकै दुखद् भएको महासंघको भनाइ छ । नेपालमा अन्तर्राष्ट्रिय ब्याण्डविथ भित्र्याएबापत भारतीय अपस्ट्रिम प्रदायकलाई करिब १० महिनायता इन्टरनेट सेवा प्रदायकले भुक्तानी गर्न पाएका छैनन् ।
भुक्तानीका लागि अपस्ट्रिम प्रदायकबाट बारम्बार ताकेता भए पनि सञ्चार तथा सूचना प्रविधि मन्त्रालयले विदेशी मुद्रा सटहीमा सिफारिस नगरिदिँदा इन्टरनेट सेवा सम्बद्ध व्यवसायी मारमा परेको महासंघले जनाएको छ । जसको प्रत्यक्ष असर आमउपभोक्ता र देशको समग्र अर्थतन्त्रमै पर्ने बताइएको छ । मन्त्रालय र इन्टरनेट सेवा प्रदायकबीच हाल चलिरहेको मर्मतसम्भार शुल्कमा रोयल्टी र ग्रामीण दूरसञ्चार विकास कोष (आरटिडिएफ) दस्तुर विवाद आपसी छलफलबाटै टुंग्याउनुपर्ने भन्दै महासंघले सम्बन्धित निकायलाई ध्यानाकर्षणसमेत गराएको छ । क्यान महासंघका अध्यक्ष रणजीत पोद्दार भन्नुहुन्छ, ‘सरकार र इन्टरनेट व्यवसायीबीच यसअघि भएका सहमति अदालतको निर्णय, संशोधित दूरसञ्चार नियमावली र ऐनले गरेका व्यवस्थालाई आधार मानी सरकारले नै निकास दिनुपर्छ ।’
नेपालको इन्टरनेट सेवा उद्योगमा उचित व्यावसायिक वातावरण सिर्जना गर्ने र हाल देखिएका जटिलताको अन्त्य गर्ने दायित्व सरकारकै भएको उहाँको भनाइ छ । क्यान महासंघ सरकारलाई लचिलो भएर समस्या समाधानका लागि पहल गर्न आग्रह गर्दै आवश्यक सहजीकरण गर्न महासंघ तयार रहेको जनाएको छ । महासंघका महासचिव चिरञ्जीवी अधिकारीले भन्नुभयो, ‘नेपालमा सञ्चालित इन्टरनेट र सूचना सञ्चार प्रविधि (आइसिटी) व्यवसायलाई अनावश्यक दुःख र दबाब दिने कार्यले डिजिटल नेपालको आकांक्षा पूरा हुन सक्दैन, यसर्थ व्यवसायीलाई खुलेर तथा जिम्मेवार भएर काम गर्ने वातावरण तयार पारिदिन नेपाल सरकारको विशेष ध्यानाकर्षण गराउँदछौँ ।’
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच