काठमाडौं । हाँस्य कलाकार शिवहरि पौडेलले कमेडी सिरियल ‘कान्छी मुसुक्कै पैसा भुसुक्कै’को निर्देशन गर्नु हुने भएको छ । आमा बंगलामुखी फिल्म प्रालिको निर्माण हुने सिरियलको लेखन तथा निर्देशन पनि पौडेलले नै गर्नु हुनेछ । पौडेल र खेम शर्माको शीर्ष अभिनय रहने सिरियलमा अन्य नयाँ कलाकार छन् ।
समसामयिक र राजनीतिक कथावस्तुमा सिरियल बन्न लागेको हो । दर्शकलाई नयाँ स्वाद दिने उद्देश्यले सिरियल निर्देशनमा आउन लागेको पौडेलले जानकारी गराउनुभयो । ‘अहिले प्रायः सिरियलमा कलाकार दोहोरी रहेका छन्’, पौडेलले भन्नुभयो, ‘केही नयाँ स्वाद दिनुपर्छ भनेर म नयाँ कलाकार लिँदैछु ।’ कलाकारमात्र नभएर विषयवस्तु समेत नौलो तरिकाले प्रस्तुत गर्ने पौडेलले बताउनुभयो ।
पौडेलले यसअघि ‘खुराफाती कुलबहादुर काका’ नामक सिरियल निर्देशन गर्नुभएको थियो । नेपाल टेलिभिजनको हाँस्यशृंखला ‘जिरे खुर्सानी’बाट चर्चित उहाँले चलचित्र ‘लक्का जवान’ निर्देशन गर्नुभएको थियो । जिरे खुर्सानीका निर्देशक तथा अभिनेता पौडेल ‘प्वाक्क मुखमा हान्नु’ थेगोका कारण परिचित हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच