काठमाडौं । अखिल नेपाल फुटबल संघ (एन्फा) सिइओ नियुक्तिविरुद्ध एन्फाकै वरिष्ठ उपाध्यक्ष वीरबहादुर खड्काले उजुरी दिनुभएको छ । एन्फा कार्यसमितिको पुस २ गतेको बैठकले एन्फाका पूर्वमहासचिवसमेत रहेका संकटा क्लबका अध्यक्ष इन्द्रमान तुलाधरलाई सिइओ नियुक्त गरेको थियो ।
ठीक एक महिनापछि गैरकानुनी नियुक्ति भन्दै मंगलबार एन्फा अपिल कमिटीमा वरिष्ठ उपाध्यक्ष खड्काले उजुरी दर्ता गराउनुभएको छ । उहाँले सिइओ नियुक्ति बदर गर्न माग गर्नुभएको छ ।
२०७९ फागुन १७ गतेको कार्यसमितिको बैठकले सिइओ (अधिकृत प्रथम) नियुक्ति सम्बन्धमा सूचना प्रकाशित गर्ने र पदपूर्ति समितिसमेत गठन गरेको अवस्थामा सचिवालयले उक्त निर्णयलाई कार्यान्वयन नगरी प्रक्रिया अगाडि नबढाएको र कर्मचारी सेवा शर्त नियमावली २०७७ विपरीत नियुक्ति भएको खड्काले अपिल कमिटीलाई बुझाएको पत्रमा उल्लेख छ ।
त्यसमा भनिएको छ, ‘पदपूर्ति समितिले विज्ञापनपश्चात् शैक्षिक योग्यता र अनुभवको मूल्यांकन विज्ञहरूको उपस्थितिमा निर्णय गराई उक्त निर्णयलाई संघको विधानको धारा ३८ (छ) अनुसार अनुमोदन गराउनुपर्नेछ । सुरुका प्रक्रियाहरू पूरा नगरी आफ्नो राजनीतिक स्वार्थपूर्ति गर्नका लागि धारा ३८ को छ लाई अपव्याख्या गरेको देखिन्छ । साथै कार्यसमितिमा सिइओलाई दिने सुविधा प्रतिमहिना एक लाख पाँच हजार रुपैयाँ र नियुक्तिसम्बन्धी प्रस्ताव कार्यसमितिका पदाधिकारीहरूलाई वितरण नै नगराई जबरजस्ती निर्णयमा उल्लेख गरेकाले बदर गरिदिनुहुन अनुरोध गर्दछु ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच