काठमाडौं । क्लिन्टन स्कुलले आफ्नो १२औं वार्षिकोत्सव मनाएको छ । चावहिलको गणेशस्थानमा रहेको उक्त स्कुलले नेपाल प्रज्ञा-प्रतिष्ठानको हलमा १२औं वार्षिकोत्सव मनाएको हो । कार्यक्रमका प्रमुख अतिथि राष्ट्रगानका सर्जक साहित्यकार व्याकुल माहिला (प्रदीपकुमार राई)ले स्तरीय शिक्षाका लागि क्लिन्टन स्कुलको चर्चा आफूले निकै अघिदेखि सुनेको बताउनुभयो । विद्यार्थीलाई संस्कार र व्यवहारको पनि शिक्षा दिने क्लिटन स्कुलको शैलीको प्रशंसा गर्दै उहाँले भन्नुभयो, ‘अध्ययनका साथसाथै सिर्जनात्मक, व्यावहारिक र समाजमा घुलमिल हुने किसिमको शिक्षा दिनु पनि उत्तिकै जरूरी हुन्छ । भोलि गएर यो देशलाई कस्तो नागरिकको आवश्यक्त पर्छ ? कस्तो नेतृत्वको आवश्यकता पर्छ ? कस्तो सामाजिक सम्बन्धको आवश्यकता पर्छ ? त्यसका लागि विद्यार्थीको कस्तो स्वभाव, कस्तो व्यवहार, कस्तो ज्ञानको आवश्यकता पर्छ ? त्यसप्रति यस विद्यालयका शिक्षक-शिक्षिकाको ध्यान पुगेको देखिन्छ ।’
उहाँले भन्नुभयो, युरोपतिर विद्यार्थीलाई बढी होमवर्क दिने चलन हुँदैन । हामीले पनि विद्यार्थीको व्यक्तित्व विकास, सिर्जनात्मक विकास, सामाजिक सम्बन्धको विकासलाई चाहिने समयकोे ख्याल नगरी एकोहोरो बढी होमवर्कको भारी दिनु उचित हुँदैन ।’
कार्यक्रममा विशेष अतिथि विमल होडाले आफ्नो वडामा क्लिटनजस्ता स्तरीय विद्यालय भएकोमा खुशी प्रकट गर्दै भन्नुभयो, ‘हाम्रो वडा विद्यालयस्तरमा काठमाडौं महानगरमै उत्कृष्ट शिक्षा प्रदान गर्ने वडा हो । यसमा क्लिन्टन जस्ता स्कुलको महत्वपूर्ण भूमिका छ । आज पानसको दियो बालेर यस समारोहको उद्घाटन गरिएको छ । यस दियोले हज्जारौँ हजार विद्यार्थीको जीवनमा शिक्षाको दियो सल्काउन मद्दत गरोस् भन्ने शुभकामना व्यक्त गर्दछु ।’
कार्यक्रममा क्लिन्टन स्कुलका प्रिन्सिपल हिक्मत रायमाझीले अभिभावकसँग सल्लाह गरेर विद्यार्थीहरूलाई संस्कृत भाषा सिकाउने, संस्कारी बनाउने, सीपसँग सम्बन्धित फेसन डिजायनिङ, कुकिङ (पाकशास्त्र) आदि जस्ता विषयलाई पाठ्यक्रममा समावेश गर्ने योजना विद्यालयमा सञ्चालन भइरहेको जनकारी गराउनुभयो । कार्यक्रममा विद्यार्थीहरूले सांगीतिक, सांस्कृतिक, साहित्यिक, खेलकुद, योगालगायत प्रस्तुति दिएका थिए । व्याकुल माहिला, विमल होडा, हरिगोपाल कक्षपति, टी. एन. धमला, अशोक दाहाललगायतको आथित्यमा सम्पन्न समारोहको सभापतित्व साहित्यकार मनोजादित्य न्यौपानेले गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच