पोखरा । पुरुषतर्फ हेल्प नेपाल स्पोर्टस क्लब र महिलातर्फ एपिएफ क्लबले पोखरामा शनिबार सम्पन्न टाइगर कप भलिबल प्रतियोगिताको उपाधि जितेका छन् । दोस्रो पटक फाइनल खेलेको हेल्प नेपालले शनिबार घरेलु टोली गण्डकी प्रदेशलाई ३-१ को सोझो सेटमा पराजित गर्दै विजेता बन्न सफल भएको हो ।
अघिल्ला तीन मध्ये दुई पटकको विजेता गण्डकी यसपटक फाइनलमा भने कमजोर देखियो । हेल्प नेपाल २५-१३, २५-१८, २४-२६ र २५-१७ ले विजयी भयो । तीन पाकिस्तानी खेलडीका साथ उत्रेको हेल्प नेपालले पहिलोपल्ट उपाधि उचालेको हो । पहिलो र तेस्रो संस्करणको उपाधि गण्डकीले जितेको थियो । प्रतियोगिताको सबैभन्दा सफल टोली गण्डकीले यसपटक भारतका तीन खेलाडीलाई टोलीमा समेटे पनि फाइनलमा भने राम्रो प्रदर्शन गर्न सकेन ।
त्यसअघि एपिएफले टाइगर कपको महिलातर्फ उपाधिमा हृयाट्रिक गरको थियो । न्यु डायमण्ड महिला टिमलाई शनिबार फाइनलमा ३-० ले हराउँदै एपिएफले लगातार तेस्रो पटक उपाधि जितेको हो । पोखरा रंगशालाको भलिबल कोर्टमा एपिएफले २५-२०, २५-१८, २५-२१ ले खेल जितेको थियो ।
अघिल्ला तीन संस्करणमा एपिएफले दोस्रो र तेस्रोमा उपाधि जितेको थियो । पहिलो संस्करण अर्को विभागिय टोली नेपाल पुलिस क्लबले जितेको थियो । प्रतिभा मालीको कप्तानीमा रहेको न्यु डायमण्ड भने पहिलो पटक फाइनल खेलको थियो ।
महिलातर्फ आर्मी र पुरुषतर्फ एपिएफ तेस्रो भएको थियो । आर्मीले शुक्रबार नेपाल पुलिस क्लबलाई हराउँदै तेस्रो स्थान प्राप्त गरेको थियो । एपिएफले शनिबार श्रीलंका आर्मीलाई ३-० ले हराउँदै तेस्रो स्थान प्राप्त गरेको थियो । टाइगर ग्रुप अफ पोखराले आयोजना गरेको प्रतियोगिताको महिला र पुरुष दुबै तर्फको विजेता टोलीले समान पाँच लाख ५५ हजार ५५५, दोस्रो हुनेले दुई लाख ५५ हजार ५५५ तथा तेस्रो हुनेले एक लाख २५ हजार ५५५ रुपैयाँ प्राप्त गरे । माघ १ गते देखि सन्चालित प्रतियोगिता दुबैतर्फ एक/एक विदेशीसहित समान ६ टोलीको सहभागिता थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच