काठमाडौं । टेक्सास कलेजले ओलम्पियन हरिबहादुर रोकाया र इ-स्पोर्ट्स रेफ्री क्षितिज श्रेष्ठलाई सम्मान गरेको छ । वार्षिक इसिए मिट (अतिरिक्त क्रियाकलाप कार्यक्रम) का अवसरमा टेक्सास कलेजले रोकाया र श्रेष्ठलाई मित्रपार्कस्थित कलेजमा आयोजित कार्यक्रममा सम्मान गरेको हो । कार्यक्रममा उहाँहरूलाई कलेजका कार्यकारी अध्यक्ष भेषराज पोखरेल र सशस्त्र प्रहरीका एसएसपी राजेन्द्र खड्काले सम्मानपत्र र मायाको चिनो प्रदान गर्नुभयो ।
जुम्लाका धावक रोकायाले सन् १९९२ मा बार्सिलोना (स्पेन) मा भएको ग्रिष्मकालीन ओलम्पिकको म्याराथनमा प्रतिस्पर्धा गर्नुभएको थियो । एथलेटिक्स प्रशिक्षकसमेत रहनुभएका उहाँले ट्रेल रनिङमा गिनिज वल्र्ड रेकडर््स पनि बनाउनुभएको थियो ।
टेक्सास कलेजका पूर्वविद्यार्थी रहनुभएका श्रेष्ठ आइइएसएफ (इन्टरेसनल इ-स्पोर्ट्स फेडेरेसन) ले पहिलोपल्ट गत नोभेम्बरमा दक्षिण कोरियाको बुसानमा आयोजना गरेको इ-स्पोर्ट्स टायर २ रेफ्री कोर्स उत्तीर्ण गरी पहिलो ब्याचका रेफ्री हुनुभएको हो । उहाँ मोटर स्पोर्ट्सका मार्शल र बुद्धिचालका आर्बिटरसमेत हुनुहुन्छ ।
कलेजको इसिए मिटको अवसरमा यसपाली इ-स्पोर्ट्सका मोबाइल लिजेन्ड र इ-फुटबल पनि समावेश गरिएको थियो । त्यससँगै फुटबल, क्रिकेट, बास्केटबल, एथलेटिक्स, बुद्धिचाललगायत विभिन्न २० खेलका प्रतिस्पर्धामा विजयी विद्यार्थी खेलाडीहरूलाई कार्यक्रममा पुरस्कार प्रदान गरिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच