काठमाडौं । साताको पहिलो दिन उच्च अंकले घटेको सेयर बजार दोस्रो दिन पनि घटेको छ । सोमबार नेप्से परिसूचक ३१.४९ अंकले घटेर २०९८.६९ अंकमा झरेको हो । नेप्सेसँगै कारोबारसमेत घटेर छ अर्ब ३६ करोड ६० लाख ७० हजार रुपैयाँको मात्रै सेयर किनबेच भएको छ । आइतबार सात अर्ब ६७ करोड ७७ लाखको कारोबार भएको थियो । आइतबारको तुलनामा सोमबार कारोबार रकम एक अर्ब ३० करोड रुपैयाँले घटेको हो ।
यस दिन कुल तीन सय सात कम्पनीका एक करोड ८० लाख ४३ हजार दुई सय ४४ कित्ता सेयर कारोबार भएका छन् । ठूला कम्पनीको कारोबार मापन गर्ने सेन्सेटिभ इण्डेक्स ४.८४ अंकले घटेर ३८१.३६ अंकमा झरेको छ । आइतबार इण्डेक्स ७.४१ अंकले घटेको थियो ।
सेन्सेटिभ फ्लोट पनि १.७४ अंकले घटेर १२५.७५ अंकमा झरेको छ । यस दिन दुई सय नौ कम्पनीको सेयर मूल्य घटेको छ भने दुई कम्पनीको स्थिर रहेको छ । कारोबार रकम, कारोबार संख्या र कारोबार सेयरका आधारमा पहिलो स्थानमा रहेको हिमालयन रि इन्स्योरेन्सको ११ लाख ९६ हजार तीन सय ५५ कित्ता सेयर ७८ करोड ६३ लाख रुपैयाँमा कारोबार भएको छ । बजारमा आएको भारी गिरावटसँगै समग्र बजार पुँजीकरण एकै दिन झण्डै ५० अर्बले घटेको छ । आइतबार ३३ खर्ब ४५ अर्ब ७६ करोड ५६ लाख ५५ हजार पाँच सय दुई रुपैयाँ रहेको बजार पुँजीकरण सोमबार ३२ खर्ब ९६ अर्ब ३० करोड ३४ लाख ७७ हजार नौ सय २५ रुपैयाँ कायम भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच