काठमाडौं । राष्ट्रिय योजना आयोगका उपाध्यक्ष डा. मीनबहादुर श्रेष्ठसँग नेपालका लागि युरोपियन युनियन(इयु)की राजदूत भेरोनिक लोरेन्जोले भेटवार्ता गर्नुभएको छ । सोमबार सिंहदरबारस्थित आयोग कार्यालयमा उपाध्यक्ष श्रेष्ठसँगको भेटवार्तामा आयोगले तयार गरिरहेको १६औँ योजना, अति कम विकसित मुलुकबाट विकासशील मुलुकमा स्तरोन्नतिपछि नेपाल र इयुको व्यापारमा हुने असर, बहुपक्षीय पोषण कार्यक्रमलगायतका विषयमा छलफल भएको छ ।
सो अवसरमा आयोगका उपाध्यक्ष श्रेष्ठले इयुले गर्दै आएको सहयोगका लागि धन्यवाद दिँदै १६औँ योजना सबै क्षेत्रको सुझाव लिएर तयार भइरहेको र लक्ष्य प्राप्ति हुने गरी योजना तर्जुमा हुने बताउनुभयो । उपाध्यक्ष र इयु राजदूत लोरेन्जोबीच इयुसँगको व्यापारमा पर्ने असर र त्यसका लागि परिपूरण गर्ने उपायका विषयमा समेत छलफल भएको छ ।
इयुले नेपालमा हरित अर्थतन्त्र, पूर्वाधार ग्याप हटाउन मद्दत गर्ने राजदूतको भनाइ थियो । मनवपुँजी (गुणस्तरीय शिक्षा)मा सहयोग गर्ने तथा नेपालको सुशासन र संघीयता कार्यान्वयनको एजेण्डालाई पनि इयुले प्राथमिकतामा राखेको राजदूत लोरेन्जोले बताउनुभयो । इयु राजदूत लोरेन्जोले १६औँ योजनाका साथै बहुपक्षीय पोषण कार्यक्रममा नेपाललाई सहयोग गर्ने प्रतिबद्धता व्यक्त गर्दै नेपाल अतिकम विकसित मुलुकबाट सन् २०२६ मा विकासशीलतर्फ स्तरोन्नति हुँदै गरेका सन्दर्भमा अन्तर्राष्ट्रिय समुदायबाट नेपालले पाउँदै आएको सुविधा निरन्तरताका लागि गृहकार्य गर्नुपर्ने सुझाव दिनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच