एसियन कपमा ताजिकिस्तान र कतार विजयी

हिमालय टाइम्स

९ माघ २०८०, मङ्गलबार ०७:००

Read Time = 2 mins

डिजिटल संस्करण

खेलकुद

फुटबल

A A- A+

काठमाडौं । एफसी एसियन कप फुटबलमा ताजिकिस्तान र कतारले जित निकालेका छन् । गएराती भएको खेलमा ताजिकिस्तानले लेबनानलाई २–१ गोलले हरायो ।

कतारमा हिजो भएको खेलमा लेबनानलाई हराउँदै ताजकिस्तान समूह ‘ए’ को उपविजेता बनेर नकआउट चरणमा पुगेको छ । ताजिकिस्तानले पुनरागमन जित हासिल गरेको थियो । बासेल ज्रादिले ४७औं मिनेटमा गोल गर्दै लेबनानलाई खेलमा अग्रता दिलाएका थिए । कस्सेम एल जैन ५७औं मिनेटमा रातो कार्ड खाँदै मैदान बाहिरिन पुगेपछि लेबनान १० खेलाडीमा सिमित भएको थियो ।

ताजिकिस्तानका लागि पार्भिजहोन उमारबाएभले ८०औं मिनेटमा गोल गरेका थिए थिए । त्यस्तै इन्ज्युरी समयको पहिलो मिनेटमा नुरिदिन खाम्रोकुलोभले हेडर गोल गर्दै ताजिकिस्तानलाई २–१को जित दिलाए ।

यसअघि हिजै भएको समूह ‘ए’को अर्को खेलमा कतारले चीनलाई १–० गोलले हराएको थियो । ६६औं मिनेटमा मोहम्मद अल–हेडोसले गरेको गोल नै कतारको जितका लागि निर्णायक भयो ।

कतार यसअघि नै अन्तिम १८ मा पुगिसकेको थियो । कतार ९ अङ्ककासाथ समूह विजेता बनेको छ । ताजिकिस्तानको ३ खेलमा ४ अङ्क रकेको छ । चीन २ अङ्कसहित तेस्रो र लेबनान १ अङ्कसहित समूहको पुछारमा रहेको छ ।

एसियन कप

फुटबल

यो खबर पढेर तपाईलाई कस्तो महसुस भयो ?