काठमाडौं । ज्ञान मन्दिरले सातौँ ओप्स खेलकुद महोत्सवअन्तर्गत ब्वाइज फुटबलको उपाधि जितेको छ । त्रिपुरेश्वरस्थित दशरथ रंगशालामा भएको फाइनलमा ज्ञान मन्दिरले सेबलाई टाइब्रेकरमा ४-३ गोलले पराजित गर्यो । निर्धारित समयको खेल १-१ को बराबरीमा सकिएको थियो । सुमित बज्राचार्यले १७औँ मिनेटमा गोल गर्दै सेबलाई १-० को अग्रता दिलाउनुभएको थियो ।
ज्ञान मन्दिरका विकास गुरुङले ३७औँ मिनेटमा खेललाई १-१ को बराबरीमा ल्याउनुभयो । त्यसपछि दुवैतर्फबाट गोल हुन नसकेपछि खेलको निर्णय सोझै पेनाल्टी सुट आउटबाट गरिएको थियो ।
पेनाल्टीमा ज्ञान मन्दिरका विकास गुरुङ, सुशान्त थापा मगर, विवेक राई र यारिश मख्याम मगरले गोल गर्नुभयो । सुशान्त प्याकुरेल चुक्नुभयो । सेबका मनिष गुरुङ, अर्जुन राना मगर र दिप्सन मल्लले गोल गर्नुभयो । विप्लव गुरुङ र सुमित चौधरीले गोल गर्न सक्नुभएन ।
अर्गनाइजेसन अफ प्राइभेट स्कुल (ओप्स) द्वारा आयोजित प्रतियोगितामा ज्ञान मन्दिरका सुशान्त थापा मगर उत्कृष्ट खेलाडी घोषित हुनुभयो । फरवाडमा सेबका सुमित बज्राचार्य, मिडफिल्डमा कौशलका करणराम भुल, डिफेन्समा ज्ञान मन्दिरका विवेक राई, गोलरक्षकमा ज्ञान मन्दिरका आयुव मोक्तान र प्रशिक्षकमा ज्ञान मन्दिरका आशिष थापा उत्कृष्ट चुनिनुभयो ।
गल्र्स फुटबलमा भने हिमरश्मीले कौशललाई १–० ले हराउँदै यसअघि नै उपाधि जितिसकेको छ । व्यक्तिगत विधाको पुरस्कार भने मंगलबारमात्र घोषणा गरियो । हिमरश्मीकी सिर्जना तामाङ उत्कृष्ट खेलाडी घोषित हुनुभयो ।
गोलरक्षकमा ज्ञान मन्दिरकी अनु बराम, डिफेन्समा हिमरश्मीकी निमा तामाङ, मिडफिल्डमा कौशलकी सेमेनु तामाङ र फरवाडमा कौशलकै आस्मा गुरुङ उत्कृष्ट चुनिनुभयो । ब्वाइजमा १६ तथा गल्र्समा आठ टिमले नक आउट पद्धतिमा प्रतिस्पर्धा गरेका थिए ।
माघ ५ गतेदेखि सुरु भएको ओप्स खेलकुद महोत्सवमा फुटबलसहित बास्केटबल, ब्याडमिन्टन, टेबलटेनिस र एथलेटिक्स गरी पाँच खेलमा प्रतिस्पर्धा भएको थियो । बास्केटबलको ब्वाइजमा सेब र गल्र्समा हिमरश्मीले उपाधि जिते । ब्याडमिन्टनमा हिमरश्मी र टेबलटेनिसमा सिर्जना ज्ञान सागरले स्वर्णमा ‘क्लिन स्विप’ गरे । दुवै खेलमा समान तीन–तीन स्पर्धा समावेश थिए । २२ स्वर्णका लागि प्रतिस्पर्धा भएको एथलेटिक्समा लालीगुराँसले १०, हिमरश्मीले आठ, सिर्जना ज्ञान सागरले दुई तथा ज्ञान मन्दिर र न्युटनले समान एक-एक स्वर्ण जिते । समग्रमा हिमरश्मीले सर्वाधिक १३ स्वर्ण जित्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच