काठमाडौं । काठमाडौं महानगरपालिकामा मेयर बालेन्द्र (बालेन) शाहले राष्ट्रिय सभा सदस्य निर्वाचनको मतदान गर्नुभएको छैन । हेटौंडामा भइरहेको राष्ट्रिय सभा सदस्यको निर्वाचनका लागि मेयर बालेन शाह नजाने उहाँको सचिवालयले जानकारी दिएको छ ।
कार्यव्यस्तताको कारण देखाउँदै उहाँले मतदान बहिस्कार गर्नुभएको बुझिएको छ । बालेन नियमित वडाध्यक्षहरूसँग भेटघाटसहितका कार्यक्रममा व्यस्त हुनुहुन्छ । यता महानगरकै उपमेयर सुनिता डंगोल भने मतदान गर्न हेटौंडा जानुभएको छ ।
यसैगरी धरानका मेयर हर्क साम्पाङ पनि अहिलेसम्म मतदानस्थलमा पुग्नुभएको छैन । राष्ट्रियसभा चुनावअन्तर्गत कोशी प्रदेशको विराटनगरमा जारी मतदान अन्तिम चरणमा पुगेको छ । बिहान ९ बजेबाट सुरू मतदानमा धरानका मेयर साम्पाङ भने अहिलेसम्म मतदानस्थलमा पुग्नुभएको छैन । उहाँ अहिले वडाको एक कार्यक्रममा सहभागी हुनुहुन्छ ।
यता उपमेयर आइन्द्रविक्रम वेघा भने मतदानका लागि विराटनगर जानुभएको छ ।
बालेन र हर्क गत स्थानीय तहको निर्वाचनमा स्वतन्त्रबाट पालिका प्रमुखमा निर्वाचित हुनुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच