आधुनिक र लोक फ्युजन भएका गीत अलिक बढी गाएकी छु : निता आचार्य, गायिका

गायन क्षेत्रमा रहेर श्रोता/दशर्कको मन जित्न सफल हुनुभएको छ गायिका निता आचार्य । उहाँका ‘जिन्दगी, सँगै जिउने हो भए साथमा नभए यादमा, झिमझिम परेली, चुपचाप, गरिदेउ बिदा, मनको धोको’ जस्ता गीत श्रोता/दर्शकमाझ लोकप्रिय छन् । बुबा सुरेन्द्रप्रसाद आचार्य र माता करुणा आचार्यको कोखबाट पोखरामा जन्मिनुभएकी निता पछिल्लो समय अमेरिकामा बस्दै आउनुभएको छ । नेपालबाहिर रहे पनि उहाँले गीतसंगीतलाई निरन्तरता दिँदै आउनुभएको छ । सानैदेखि गीत गाउन भनेपछि हुरुक्क हुने निता विस्तारै यो क्षेत्रमा आफूलाई तल्लिन बनाउनुभयो र यतिबेला श्रोता/दर्शकको रोजाइको गायिका बन्न सफल हुनुभएको छ । सुरुका दिनमा आधुनिक गीत गाउन अत्यधिक मनपराउनुहुने उहाँ प्रायः लोक आधुनिक गीत गाउन मन पर्ने बताउनुहुन्छ । यतिबेला नेपाल बसाईमा रहनुभएकी उहाँ यहाँ छँदा केही गीत सार्वजनिक गरिरहनुभएको छ । शुत्रबारमात्रै उहाँको स्वरमा रहेको गीत ‘झिमझिम परेली’ सार्वजनिक भएको थियो । सबै खालका गीतमा उत्तिकै न्याय गर्नसक्ने तर मायाप्रेमका गीत, आधुनिक र लोक फ्युजन भएका गीत अलिक बढी गाएको बताउनुहुने गायिका निता आचार्यसँग हिमालय टाइम्सका लागि गीता अधिकारीले गर्नुभएको संवादको संक्षिप्त अंशः-

यतिबेला के गर्दै हुनुहुन्छ ?
गीतसंगीत क्षेत्रको व्यक्ति भएकाले यसैसँग सम्बन्धित कार्यमा काम गरिरहेकी छु । गीतहरू आइरहेका छन् । सँगै केही सामाजिक कार्य र केही व्यक्तिगत कार्य । यस्तै-यस्तै । म केही समयदेखि अमेरिकामा बस्दै आएकी छु । तीन महिना जति भयो नेपाल भएको व्यस्त सेडुल नै छ भन्नुपर्ला ।

यो क्षेत्रमा कसरी आउनुभयो ?
म सानैदेखि गीत गाउनु रुचि राख्थे । स्कुलमा हुने विभिन्न कार्यक्रममा भाग लिन्थे । साथीहरूले पनि तिम्रो राम्रो स्वर छ गाउनुपर्छ भनेर प्रोत्साहन गर्थे । स्कुलका कार्यक्रममा भाग लिँदै जाँदा विभिन्न कार्यक्रममा गीत गाउँदै जादा म यो क्षेत्रमा हेलिँदै गए ।

त्यो बेला बढीजसो कस्ता खालका गीत गाउनुहुन्थ्यो ?
स्कुलका कार्यक्रममा म प्रायः आधुनिक गीत बढी गाउथे ।

संगीत जीवन हो । जीवन नै संगीत हो । गीतसंगीतबिना जीवन बाँच्छजस्तो लाग्दैन मलाई । गीतसंगीत जीवनको आधार हो । गीतसंगीतका रूप धेरै हुन्छन् । कुनै न कुनै रूपमा मान्छेले यसलाई गुनगुनाएकै हुन्छन् । यसले औषधिका रूपमा पनि काम गर्ने गर्छ । आफूमा आफैं रमाउने साधना र मेडिटेसन पनि हो गीतसंगीत ।

कसैसँग सिक्नुभयो कि ?
सिक्न त पर्छ नै । अहिले पनि सिक्दै छु । युएसए मै भारतीय गुरु हीरक कुलकणनीसँग सिकिरहेकी छु ।

यहाँको स्वरमा रहेको गीत हालै सार्वजनिक भएको छ कस्तो प्रतिक्रिया पाइरहनुभएको छ ।
यहाँले भने जस्तै खप्तडमा छायाँकन गरिएका दुई गीतका भिडियो केही दिनअघि नेपाल पर्यटन बोर्डमा सार्वजनिक भएको थियो भने शुक्रबारमात्रै अर्को नयाँ गीत ‘झिमझिम परेली’ सार्वजनिक भएको छ । काठमाडौंमा एक विशेष समारोहबीच यो सार्वजनिक भएको थियो । यसमा मलाई प्रदाप दासले स्वरमा साथ दिनुभएको छ । वरिष्ठ गायिका ज्ञानु राणाको प्रमुख आतिथ्यतामा यो गीत सार्वजनिक गरिएको थियो । कार्यक्रममा गीतकार संघका अध्यक्ष वसन्त वित्यासी थापा, नेपाली फिल्म सोसाइटिका अध्यक्ष, अभिनेता एवं निर्माता कृष्ण मल्ल, संगीत तथा चलचित्र उत्पादक समाज नेपालका अध्यक्ष सूर्यबहादुर मगर, पिम नेपालका अध्यक्ष माधव खरेल, सदाबाहार नायिका शर्मिला मल्ल, वरिष्ठ देउडा गायक नन्दकृष्ण जोशी, गायिकाका मेरो बाबा सुरेन्द्रप्रसाद आचार्यलगायतको आतिथ्यता रहेको थियो ।
शंकर थापा ‘स्माइल’को संगीत रहेको यो गीतलाई डिपी खनालले लेख्नुभएको हो र विषम आचार्यको संगीत संयोजन छ । कुमार केसीले स्टुडियो फिलमा रेकर्डिङ गरेको गीतमा अशोक महर्जनको ध्वनि सम्पादन र मिश्रण छ । केशवराज भट्टले निर्देशन गरेको गीतको भिडियोमा अलिशा शर्मा र बद्रीप्रसाद तिवारीलाई फिचरिङ गरिएको छ । नवराज उप्रेतीको छायांकन रहेको भिडियोमा बन्दे प्रसादको सम्पादन छ । गीतको भिडियो निता आचार्यअफिसियल युट्युब च्यानलमार्फत सार्वजनिक गरिएको हो । यस गीतको यतिबेला राम्रै प्रतिक्रिया पाइरहेकी छु सबैले मन पराइदिनुभएको छ ।

कस्ता खालका गीत गाउन मन पराउनुहुन्छ ?
मैले सबै प्रकारका गीत गाएकी छु । सबै खालका गीत गाउन मनपर्छ । मायाप्रेमका गीत, आधुनिक र लोक फ्युजन भएका गीत अलिक बढी गाएकी छु ।

अहिलेसम्म कतिजति गीत गाउनुभयो होला ?
यस्तै एक दर्जन जस्तो गीत गाएकी छु ।

यहाँले गाएका मध्ये आफैंलाई मनपर्ने गीत ?
आफ्ना सिर्जना सबै मनपर्छ । सबै गीत त्यतिकै मिहिनेत गरेर श्रोता/दर्शकमाझ ल्याएका छौ । फेरि पनि कुनै एकको नाम लिनुपर्दा ‘गरिदेउ बिदा’ । यो गीतमा मलाई स्वरमा सिडी विजय अधिकारीले साथ दिनुभएको छ । सागर बास्तोलाको शब्द, ऋषि खड्काको संगीत, विशाल निरौलाको एरेञ्ज र कुमार रानाको मिक्सिङ÷माष्टरिङ रहेको छ यसमा । यो गीतको भिडियो खप्तड क्षेत्र वरपरका गाउँमा छायांकन गरिएको हो । जनक सिंहको निर्देशन रहेको यो गीतको भिडियोमा सनम कठायत र स्मारिका ढकाललाई फिचरिङ गरिएको छ । दीपक गिरीको छायांकन, अमृत चापागाईंको सम्पादन छ यसमा ।

यहाँ विदेशमा बस्दै आउनुभएको छ, विभिन्न कार्यक्रममा पनि यहाँलाई बाक्लै रूपमा सहभागी भएको देखिन्छ, नयाँ-नयाँ गीतहरू पनि श्रोता÷दर्शकमाझ आइरहेका छन्, कसरी गर्नुहुन्छ समयको व्यवस्थापन ?
तपाईंले भने जस्तै व्यस्त त भइन्छ नि । फेरि पनि मलाइ के लाग्छ भने जस्तै भनिन्छ नि जहाँ इच्छा त्यहाँ उपाय । यो मैले गर्छु, गर्नपर्छ भनेपछि समय त मिल्छ नै । सजिलो चाहिँ छैन तर मैले समय मिलाएर गरिरहेकी छु ।

गीतसंगीत के हो ?
मलाई के लाग्छ भने संगीत जीवन हो । जीवन नै संगीत हो । गीतसंगीतबिना जीवन बाँच्छजस्तो लाग्दैन मलाई । गीतसंगीत जीवनको आधार हो । गीतसंगीतका रूप धेरै हुन्छन् । कुनै न कुनै रूपमा मान्छेले यसलाई गुनगुनाएकै हुन्छन् । यसले औषधिका रूपमा पनि काम गर्ने गर्छ । आफूमा आफैं रमाउने साधना । मेडिटेसन पनि हो ।