काठमाडौं । फष्र्ट लुक पोष्टर सार्वजनिकसँगै चलचित्र ‘पूजार सार्की’को छायांकन आरम्भ गरिएको छ । मंगलबारदेखि कास्की जिल्लाको कास्कीकोटबाट चलचित्रको छायांकन आरम्भ गरिएको हो ।
दिनेश राउतको निर्देशन रहने सार्वजनिक चलचित्रको पोष्टरमा अभिनेता त्रय आर्यन सिग्देल, प्रदीप खड्का र पलशाहलाई राखिएको छ । यी अभिनेताहरू आ–आफ्नो चरित्रमा देखिएका छन् । पोस्टरको डिजाइनबाट चलचित्रको कथा अहिलेको नभई निकै वर्षअघिको रहेको अनुमान लगाउन सकिन्छ । पोष्टर डिजाइन रोयल भीमसेनले गर्नुभएको हो ।
चलचित्रमा अभिनेत्री द्वय अञ्जना बराइली र परीक्षा लिम्बूले पनि प्रमुख भूमिकामा अभिनय गर्दै हुनुहुन्छ । साथमा, मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शंकर आचार्य, प्रेम सुब्बा, गोविन्दरमण पराजुलीलगायतको अभिनय रहने निर्माणपक्षले जनाएको छ ।
चलचित्रलाई संगीतकार सुवास भुसालले निर्माण गर्दै हुनुहुन्छ । यो चलचित्रमा भुसाल आफैंले संगीत तयार गर्नुभएको छ । हर्क साउद, बि. पाण्डे, दिनेश राउत र गणेश शाहीले यसका गीत रचना गर्नुभएको छ । प्रकाश सपुत, शान्तिश्री परियार र केतन क्षेत्रीले गीतमा स्वर दिनुभएको छ ।
‘पुजार सार्की’ लाई सुप्रिम पराजुलीले सम्पादन तथा कलर ग्रेडिङ गर्नुहुने छ भने साउण्ड डिजाइन उत्तम न्यौपाने, ब्याकराउण्ड स्कोर शैलेश श्रेष्ठ, कष्ट्युम डिजाइन आशिष पौडेल, प्रोडक्शन डिजाइन कसम नेपाल, प्रोडक्शन कन्ट्रोल मनोज जोशी र प्रोडक्शन व्यवस्थापन विदुर मानन्धरले गर्नुहुनेछ ।
हिमाल केसीले द्वन्द्व निर्देशन गर्ने ‘पुजार सार्की’का मुख्य सहायक निर्देशकमा दिनेशबहादुर रावत हुनुहुन्छ भने राजेशराज गिरी, तर्कराज न्यौपाने र आयुष दाहाल सहायक निर्देशक रहनुभएको छ । च्लचित्रका कला निर्देशकमा दिनेश लामा (गैँडा) हुनुहुन्छ भने माधवप्रसाद पाण्डेको मेकअप र प्रिया रोक्काको मेकअप रहनेछ । यो चलचित्र किंगडम नेटवर्कको ब्यानरमा बन्नेछ भने आरआर फिल्मस्ले वितरण गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच