काठमाडौं । नेपाल एपिएफ क्लबले ढोरपाटन महिला भलिबल डबल लिग च्याम्पियनसिपमा अपराजित यात्रालाई कायम राखेको छ । ढोरपाटन स्पोर्ट्स क्लबको आयोजनामा गोगंबु बसपार्क नजिक डिभी मार्केटसँगैको कोर्टमा जारी प्रतियोगिताको पाँचौँ दिन मंगलबारको पहिलो खेलमा एपिएफले एन्जल्स हार्ट कलेजलाई ३-० ले हराउँदै लगातार पाँचौँ खेल जितेको हो ।
तेस्रो सेटमा कडा चुनौतीको सामना गरेको साबिक विजेतासमेत रहेको एपिएफले एन्जल्स हार्टलाई २५-१६, २५-१४ र २५-२३ को सोझो सेटमा पराजित गरेको हो । एन्जल हार्टले भने अहिलेसम्म एक खेल जितेको छ । जितसँगै एपिएफ १५ अंकसहित शीर्षस्थानमा छ भने दोस्रो स्थानको न्यु डायमण्डको ११ अंक छ । आर्मीको सात, धादिङ स्पोटर््स क्लब र पुलिसको समान ६ तथा एन्जल्स हार्ट र जावलाखेलको समान तीन अंक छ ।
यस्तै, न्यु डायमण्ड महिला टिमले जावलाखेल भलिबल ट्रेनिङ क्लबलाई ३-० ले हराउँदै अपराजित यात्रा कायम राखेको छ । सहज जित निकाल्ने क्रममा न्यु डायमण्डले जावलाखेलमाथि २५-३, २५-१० र २५-७ को सहज जित निकालेको थियो ।
न्यु डायमण्डले अन्तिम दुई खेलमा दुई विभागीय टोली नेपाल पुलिस क्लब र साबिक विजेता एपिएफको सामना गर्नेछ । पाँच खेलको समाप्तिमा १४ अंकसहित न्यु डायमण्ड दोस्रो स्थानमा छ । न्यु डायमण्डले बुधबार पुलिस र बिहीबार पहिलो चरणको अन्तिम खेलमा एपिएफको सामना गर्नेछ । एपिएफले छैटौँ खेलमा धादिङ स्पोर्ट्स क्लबसँग खेल्नेछ ।
अर्को खेलमा त्रिभुवन आर्मी क्लबले धादिङ स्पोर्ट्स क्लबलाई ३-० को सोझो सेटमा हराएको छ । आर्मीले २५-१८, २७-२५, २५-१० ले जितेको हो । पहिलो सेटमा सहज जितपछि आर्मीले दोस्रो सेटमा पहिलो रोजाइको खेलाडीलाई मौका दिएको थियो । १७-२३ ले पछाडि परेपछि पहिलो रोजाइकै खेलाडीलाई उतारेपछि आर्मीले कठिन जित निकालेको हो । पहिलो रोजाइकै खेलाडीलाई निरन्तरता दिएपछि आर्मीले तेस्रो सेटसँगै खेल जितेको थियो ।
एपिएफ १५ अंकसहित शीर्षस्थानमा छ भने दोस्रो स्थानको न्यु डायमण्डको १४ अंक छ । आर्मीको १०, धादिङ स्पोर्ट्स क्लब र पुलिसको समान ६ तथा एन्जल्स हार्ट र जावलाखेलको समान ३ अंक छ । ढोरपाटन स्पोटर््स क्लबले आयोजना गरेको लिगमा एपिएफ, बागमती, पुलिस, जावलाखेल, आर्मी, न्यु डायमण्ड, धादिङ र एन्जल्स हार्ट गरी आठ टोलीको सहभागिता रहेको छ ।
पहिलो चरणमा शीर्ष ६ स्थानमा रहने टोलीले दोस्रो लिगमा पुनः प्रतिस्पर्धा गर्ने ढोरपाटनले जनाएको छ । ढोरपाटनको १६औँ संस्करणको उत्कृष्ट खेलाडी र वर्षको उत्कृष्ट खेलाडीले एम्पियरको स्कुटर प्राप्त गर्नेछन् । प्रतियोगिताको विजेता टोलीले पाँच लाख एक हजार, दोस्रो टोलीले दुई लाख ५० हजार, तेस्रो टोलीले एक लाख २५ हजार, चौथो टोलीले ७५ हजार, पाँचौँ टोलीले ५० हजार र छैटौँ टोलीले २५ हजार रुपैयाँ प्राप्त गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच