![भयावह बन्दै आत्महत्या, ५ महिना दाङमा ९९ जनाले गरे आत्महत्या](https://ehimalayatimes.com/wp-content/uploads/2024/02/dang-police-office.jpg)
काठमाडौं । युवा तथा खेलकुद मन्त्रालयले खेलाडीसहित प्रशिक्षक, निर्णायक र खेल चिकित्सक गरी नौजनालाई राष्ट्रिय खेलकुद प्रतिभा सम्मान प्रदान गरेको छ । सम्मानित हुने खेलाडीमा मेनुकाकुमारी राजवंशी (कबड्डी), नविता श्रेष्ठ (टेबलटेनिस), शिवसुन्दर गोथे (टेबलटेनिस), एरिका गुरुङ (कराँते), शुभश्री श्रेष्ठ (टेबलटेनिस) र पलेशा गोवर्धन (पारा तेक्वान्दो) रहनुभएको छ ।
प्रशिक्षकमा पार्वती राई (कबड्डी), निर्णायकमा तेजेन्द्रसिंह महरा (टेबलटेनिस) र फिजियो थेरापिस्ट आविष्कार पुडासैनी (फुटबल) रहनुभएको छ । सम्मानित सबैलाई जनही एक लाख रुपैयाँसहित सम्मानपत्र प्रदान गरियो । उहाँहरूलाई युवा तथा खेलकुदमन्त्री डिगबहादुर लिम्बू, मन्त्रालयका सचिव रविलाल पन्थलगायतले सिंहदरबारस्थित खेलकुद मन्त्रालयमा आयोजित एक कार्यक्रमबीच पुरस्कृत गर्नुभयो ।
सोही अवसरमा राष्ट्रिय खेलकुद पत्रकारिता पुरस्कारबाट गोरखापत्र अनलाइनका गोविन्द रेग्मीलाई सम्मान गरियो । रेग्मीलाई युवा तथा खेलकुद मन्त्रालयले देशभरबाट प्राप्त आवेदनको मूल्यांकनका आधारमा छनोट गरी ५० हजार नगदसहित प्रशंसापत्रबाट सम्मान गरेको हो । रेग्मी लामो समयदेखि पत्रकारितामा क्रियाशील हुनुहुन्छ ।
त्रिभुवन विश्वविद्यालयबाट पत्रकारिता र आमसञ्चारमा स्नातकोत्तर गर्नुभएका रेग्मीले २०६० सालमा राष्ट्रिय समाचार समितिबाट प्रशिक्षार्थी पत्रकारका रूपमा पत्रकारिता सुरु गर्नुभएको थियो । त्यसपछि लामो समय अन्नपूर्ण पोष्ट दैनिकमा काम गर्नुभएका उहाँ हाल गोरखापत्र अनलाइनमा कार्यरत हुनुहुन्छ ।
यस्तै, मन्त्रालयले प्रदेशतर्फको ‘पत्रकारिता प्रोत्साहन पुरस्कार’ बागमती प्रदेशबाट गोविन्दराज नेपाल (अनलाइन खबर), कोशी प्रदेशबाट हरिप्रसाद कोइराला (गोरखापत्र दैनिक), मधेश प्रदेशबाट तिवारी यादव (नयाँ पत्रिका), गण्डकी प्रदेशबाट रोहितराज पराजुली (नयाँ पत्रिका), लुम्बिनीबाट रिखीराम जिसी (समाधान दैनिक), कर्णाली प्रदेशबाट नन्दराम जैसी (हिमालय टाइम्स दैनिक), सुदूरपश्चिम प्रदेशबाट नवाज पनेरु (बाह्रखरी अनलाइन) र महिलाबाट दैलेखकी रजनीकुमारी योगी (गोरखापत्र) लाई सम्मान गर्यो । प्रोत्साहन पुरस्कारको राशि जनही २५ हजार रुपैयाँ र सम्मानपत्र रहेको छ । मन्त्रालयले खेलकुद क्षेत्रमा निरन्तर कलम चलाउने क्रियाशील पत्रकारलाई प्रतिस्पर्धाका आधारमा हरेक वर्ष पुरस्कार प्रदान गर्दै आएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच