काठमाडौं । संखुवासभा पावर डेभलपमेन्टले आइपिओ जारी गर्ने भएको छ । कम्पनीले आइपिओ निष्कासन गर्न एनआइसी एसिया क्यापिटलसँग सम्झौता गरेको छ । क्यापिटलको ‘आइडिया टु आइपिओ’ सेवाअन्तर्गत संस्थागत परामर्श सेवा, सेयर रजिष्ट्रार सेवासहित निष्कासन तथा बिक्री प्रबन्धक नियुक्त गर्ने सम्बन्धी दुर्ईपक्षीय सम्झौता भएको हो । सम्झौतापत्रमा निष्कासन तथा बिक्री प्रबन्धकतर्फबाट प्रमुख कार्यकारी अधिकृत रामेन्द्र रायमाझी र कम्पनीतर्फबाट अध्यक्ष सौरभ अज्र्यालले हस्ताक्षर गर्नुभएको छ ।
क्यापिटलले ‘आइडिया टु आइपिओ’ सेवाअन्तर्गत कुनै पनि क्षेत्रका कम्पनीलाई कम्पनी स्थापनाकालदेखि आइपिओ जारी गर्ने चरणसम्म पुर्याउन आवश्यक सम्पूर्ण परामर्श सेवा उपलब्ध गराउँदै आएको छ । कम्पनीका अनुसार संखुवासभा पावर डेभलपमेन्ट कम्पनीले संखुवासभा जिल्लास्थित सभाखोलामा दुर्ईवटा जलविद्युत् आयोजना निर्माण गर्दैछ । जसमध्ये ९.४१२ मेगावाटको सुपर सभाखोला जलविद्युत् र ४.१ मेगावाटको सुपर सभाखोला साना जलविद्युत् आयोजना रहेका छन् । संखुवासभा पावर डेभलपमेन्ट कम्पनीले जारी पुँजीको २५ प्रतिशत सेयर अर्थात सय रुपैयाँ अंकित दरका २५ लाख ५० हजार कित्ता साधारण सेयर निष्कासन गर्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच