बैतडीमा जीप दुर्घटना हुँदा चालकसहित दुई जना घाइते

डम्बर बोहरा बैतडी, संवाददाता

२२ माघ २०८०, सोमबार ०९:४७

Read Time = 2 mins

डिजिटल संस्करण

प्रदेश समाचार

सुदूरपश्चिम प्रदेश

A A- A+

बैतडी । बैतडीमा जीपदुर्घटनामा परी दुई जना घाइते भएका छन् । जिल्लाको पाटन नगरपालिका–३ को धुराभन्ने स्थानमा जिप दुर्घटनामा परी चालकसहित २ जना घाइते भएका हुन् ।

खोडपेबाट बोहोरीगाउँतर्फ गइरहेको सुपप्र। ०४००१ च ०१०७ नम्बरको बोलेरो जिप साेमबार आज बिहान करिब ४ बजेको समयमा पाटन–३ को धुरा भन्ने स्थानमा दुर्घटना परेको हो ।

घाइते हुनेमा चालक समेत रहेका सुर्नया गाउँपालिका–५ का कृष्ण बहादुर बिष्ट र जिपमा सवार पाटन–३ का अन्ताजी ३० वर्षीय धनीराज पन्त रहेको जिल्ला प्रहरी कार्यालय बैतडीका सूचना अधिकारी, प्रहरी निरीक्षक, खेमबिक्रम केसीले जानकारी दिनुभयो ।

उक्त जिपमा चालकसहित दुई जना मात्रै सवार रहेको बताइएको छ । घाइते पन्तको अवस्था गम्भिर रहेको र उनलाई धनगढी रेफर गरिएको छ । चालक बिष्टको डडेल्धुरामा उपचार भइरहेको छ ।

जिप सडकबाट करिब ७० मिटर तल खसेको छ । दुर्घटनाको कारण खुल्न सकेको छैन । घाइतेहरुको आज बिहानै स्थानीयहरुले उद्धार गरेका थिए ।

दुर्घटना

यो खबर पढेर तपाईलाई कस्तो महसुस भयो ?