काठमाडौं । नेपाल खेलकुद पत्रकार मञ्चले आगामी माघ २८ गते आयोजना गर्न लागिरहेको नेपाली खेलकुदको प्रतिष्ठित एनएसजेएफ पल्सर स्पोर्ट्स अवार्डको २०औँ संस्करणका लागि वर्ष पुरुष र वर्ष महिला खेलाडीको मनोनयन सार्वजनिक गरेको छ । यसपालि पहिलो चरणमा उत्कृष्ट आठको मनोनयन गरेको छ । मञ्चले यसपटकदेखि नयाँ प्रयोग थालेको हो ।
उत्कृष्ट आठको मनोनयन गरिएको चार विधामा वर्ष पुरुष खेलाडी, वर्ष महिला खेलाडी, वर्ष युवा खेलाडी र वर्ष प्रशिक्षक रहेका छन् । मञ्चले वर्ष पुरुष खेलाडी र वर्ष महिला खेलाडीको उत्कृष्ट आठको मनोनयन सार्वजनिक गरेको हो । वर्ष २०७९ सालमा गरेको प्रदर्शनका आधारमा खेलाडीलाई मनोनयन गरिएको हो ।
वर्ष पुरुष खेलाडीको उत्कृष्ट आठ मनोनयनमा आसिफ शेख (क्रिकेट), दीपक अधिकारी (एथलेटिक्स), मुकेश पाल (एथलेटिक्स), मानबहादुर श्रेष्ठ (भलिबल), नासिर याहा हुसेन (पौडी), रोहित पौडेल (क्रिकेट), रूपेश जैसवाल (बुद्धिचाल) र सुवास तामाङ (गल्फ) रहनुभएको छ ।
वर्ष महिला खेलाडीको उत्कृष्ट आठ मनोनयनमा अमिशा कार्की (फुटबल), अनुशा मल्ल (बास्केटबल), डुवाना लामा (पौडी), जयरानी थारु (एथलेटिक्स), पुनम श्रेष्ठ (जुडो), पुष्पा भण्डारी (एथलेटिक्स), राजपुरा पछाई (एथलेटिक्स), श्रेवी महर्जन (ट्रायथलन) रहनुभएको छ ।
यसअघि अवार्डका लागि पिपल्स च्वाइस विधाको मनोनयन सार्वजनिक भइसकेको छ । पिपल्स च्वाइसमा फुटबलका अनन्त तामाङ, कराँतेका विप्लवलाल श्रेष्ठ, भलिबलकी निरुता ठगुन्ना, टेबलटेनिसकी सिक्का सुवाल श्रेष्ठ र शारीरिक सुगठनकी रजनी श्रेष्ठ मनोनयनमा पर्नुभएको छ । वर्षका उत्कृष्ट युवा तथा प्रशिक्षक विधाको मनोनयन पनि छिट्टै सार्वजनिक गरिने आयोजकले जनाएको छ । पारा एथलिट सम्मान, स्पेसल अवार्ड, लाइफटाइम एचिभमेन्ट अवार्ड र एसियन स्पोर्ट्स जर्नालिस्ट अवार्डको घोषणा भने माघ २८ गते कार्यक्रमकै दिन घोषणा हुनेछ ।
यसपटक वर्ष पुरुष, महिला, युवा, प्रशिक्षक र पिपल्स च्वाइस गरी पाँच विजेताले बजाज पल्सर मोटरसाइकल पाउनेछन् । अन्य विधाका विजेतालाई जनही ५० हजार रुपैयाँ र गिफ्ट हृयाम्पर प्रदान गरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच