काठमाडौं । नापी कार्यालय कलंकीका सर्भेक्षक र अर्का एक जना एक लाख रुपैयाँ घुस लिएको आरोपमा पक्राउ परेका छन् ।
बुधबार अख्तियार दुरुपयोग अनुसन्धान आयोगको टोलीले सर्भेक्षक लक्ष्मी प्रसाद चौलागाई र 'राजधानी लेखापढी सेवा’का कर्मचारी नेत्रमणी पोखरेल समेतलाई घुससहित पक्राउ गरेको हो ।
दुई जना मिलेर जग्गा हालसाविक एवं कित्ताकाट गरी पूर्जा उपलब्ध गराइदिने प्रयोजनार्थ सेवाग्राहीसँग घुस मागेको उजुरीका अख्तियारको टोलीले कार्यालयबाटै पक्राउ गरेको हो ।
उनीहरुले सेवाग्राहीबाट एक लाख रुपैयाँ घुस लिइसकेको अवस्थामा उक्त रकमसहित नापी कार्यालयबाट नियन्त्रणमा लिएर थप अनुसन्धान भइरहेको प्रवक्ता नरहरि घिमिरेले जानकारी दिनुभयो ।
उनीहरुमाथि थप अनुसन्धान भइरहेको अख्तियारले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच