काठमाडौं । मनमोहन स्मृति यू-१६ राष्ट्रिय क्रिकेट प्रतियोगिताको तेस्रो संस्करण यही माघ २८ गतेदेखि फागुन ७ सम्म पोखरा रंगशालामा हुने भएको छ । उद्घाटन खेल गण्डकी र कर्णाली प्रदेशबीच हुनेछ । नेपाल क्रिकेट संघ (क्यान)को वार्षिक क्यालेण्डरअनुसारको प्रतियोगितामा सात प्रदेशबाट एक/एक र आयोजक मनमोहन मेमोरियलको एक गरी जम्मा आठवटा टिम सहभागी हुनेछन् । २५ ओभरका १५ खेलहरू (१२ लिग, दुई सेमिफाइनल र एक फाइनल) सञ्चालन हुनेछन् । प्रत्येक प्रदेशबाट १४ खेलाडी र दुई टिम व्यवस्थापकसहित १६ जना गरी जम्मा १२८ खेलाडी सहभागी हुनेछन् । खेलाडी र टिम व्यवस्थापकहरूको खेल युनिफर्म, होटल बसोबास, खाना-खाजा, प्रदेश-पोखरा-प्रदेशको यातायात भाडा र खानाको व्यवस्थापन आयोजकबाट गरिने भएको छ ।
मनमोहन मेमोरियल क्रिकेट सेन्टरका अध्यक्ष ठाकुर गैरेका अनुसार प्रत्येक प्रादेशिक क्रिकेट संघलाई सहयोगस्वरूप ५० हजार उपलब्ध गराइएको छ । लिग कम नक आउटअन्तर्गत हुने प्रतियोगिताको समूह ‘क’ मा कोशी, बागमती, गण्डकी र कर्णाली प्रदेश छन् भने समूह ‘ख’मा मधेश, लुम्बिनी, सुदूरपश्चिम तथा मनमोहन मेमोरियल रहेका छन् । विजेता टिमले एक लाख नगदसहित ट्रफी, खेल सामग्री, मेडल तथा प्रमाणपत्र र उपविजेता टिमले ५० हजार नगदसहित ट्रफी, खेल सामग्री, मेडल तथा प्रमाणपत्र पुरस्कार पाउनेछन् । प्रतियोगिताका उत्कृष्ट खेलाडी, उत्कृष्ट ब्याट्स म्यान, उत्कृष्ट बलर र म्यान अफ द म्याचलाई खेल सामग्रीसहित नगद पुरस्कार प्रदान गरिने आयोजकले जनाएको छ ।
अघिल्ला प्रतियोगिताका खेलाडीहरू यू-१९ विश्वकप र अन्य प्रतियोगिताका प्रभावशाली सदस्य भएका छन् । क्रिकेट प्रतिभा पहिचान र विकासका लागि महत्वपूर्ण यो प्लेटफर्म यस सेन्टरले हरेक वर्ष उपलब्ध गराउनेछ । प्रतियोगिता सम्पन्न गर्न सहयोगको तत्परता देखाउनुहुने कार्यालय/कम्पनी/संस्था र व्यक्तिप्रति आभार व्यक्त गर्दै क्रिकेटका व्यवस्थापन, प्राविधिक, खेल पत्रकार र शुभेच्छुकलाई खेल भावनाका लागि आयोजकले अनुरोध गरेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच