नेपालगञ्ज । नेपालगञ्ज सेन्ट जेभियर्स स्कुल(छात्र) र नेपालगञ्ज मोडेल एकेडेमी (छात्रा)मेयर कप अन्तरविद्यालय छात्र-छात्रा फुटबल प्रतियोगिताको च्याम्पियन बनेका छन् । नेपालगञ्जमा भएको फाइनल खेलमा नेपालगञ्ज सेन्ट जेभियर्सले नेपालगञ्ज मोडेल एकेडेमीलाई २-० ले पराजित गरेको छ ।
सेन्ट जेभियर्सको जितमा सुमित थापाले ६०औँ र ६७औँ मिनेटमा गोल गर्नुभएको थियो । फाइनल खेलको म्यान अफ द म्याचसमेत हुनुभएका सुमितलाई नेपालगञ्ज उप-महानगरपालिकाका उप-मेयर कमरुद्दिन राईले पुरस्कार प्रदान गर्नुभएको थियो ।
छात्रातर्फको फाइनलमा खेलमा नेपालगञ्ज मोडेल एकेडेमीले बाँके खजुराको मनकामना माविलाई २-० ले हराउँदै च्याम्पियन बनेको छ । नेपालगञ्ज मोडेल एकेडेमीको जितमा तिलसरा बुढाले २०औँ मिनेट र चमेली चौधरीले ५०औँ मिनेटमा गोल गर्नुभएको थियो । फाइनल खेलमा वुमन अफ द म्याच नेपालगञ्ज मोडेल एकेडेमीकी तिलसरा बुढा हुन सफल हुनुभयो । उहाँलाई युवा व्यवसायी ओम सप्लायर्सका प्रमुख बलबहादुर विष्ट(बबी)ले पुरस्कृत गर्नुभएको थियो ।
बाँके जिल्ला फुटबल संघको आयोजना र नेपालगञ्ज उप-महानगरपालिकाको सहयोगमा भएको प्रतियोगितामा नेपालगञ्ज सेन्ट जेभियर्सका सुमित थापा र मनकामना मावि खजुराकी खेलाडी लक्ष्मी विक सर्वोत्कृष्ट खेलाडी घोषित हुनुभयो । प्रतियोगितामा अनुशासित टिमको पुरस्कार जीवन ज्योति स्कुल कोहलपुरले प्राप्त गरेको छ ।
प्रतियोगिताका विजयी खेलाडीलाई नेपालगञ्ज उप-महानगरपालिकाका मेयर प्रशान्त विष्ट, उप-मेयर कमरुद्दिन राई, आयोजक बाँके जिल्ला फुटबल संघका अध्यक्ष एवं एन्फा केन्द्रीय सदस्य भोजराज शाही, नेपालगञ्ज उप-महानगरपालिका वडा नम्बर १ अध्यक्ष एवं प्रवक्ता प्रमोद रिजाल, सदस्य जगमोहन कादु, एचसिआरसी हस्पिटलका व्यवस्थापक रमेश सिटौला, जीवन ज्योति स्कुलका प्रिन्सिपल फादर जोमन जेम्स, नेपालगञ्ज उप-महानगरपालिका शिक्षा महाशाखाका प्रमुख उप-सचिव गोर्खबहादुर थापा, एन्फा बाँके उपाध्यक्ष एवं प्रतियोगिता संयोजक निर्मल चन्द, एन्फाका पूर्वउपाध्यक्ष गोवद्र्धन सिंह सम्झना, नेपाल इ-रिक्सा व्यवसायी संघ बाँकेका अध्यक्ष कुमारसिंह ठकुरीलगायतले पुरस्कृत गर्नुभएको थियो ।
धम्बोझीस्थित एन्फा ग्रासरुट फुटबल एकेडेमीमा ११ दिनसम्म चलेको प्रतियोगितामा बाँके जिल्लाका आठ स्थानीय तहका ३३ विद्यालयका ६ सयभन्दा बढी खेलाडीको सहभागिता रहेको थियो । प्रतियोगितामा छात्रतर्फ २८ वटा र छात्रातर्फ पाँचवटा स्कुलले भाग लिएका थिए । प्रतियोगिताको विजेताले २१ हजार र उपविजेता टिमले ११ हजार प्राप्त गरेका छन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच