काठमाडौं । भ्याली पब्लिकले प्रथम अक्षरा कप अन्तरविद्यालय बास्केटबल प्रतियोगितामा हृयाट्रिक उपाधि जितेको छ । भ्याली पब्लिक सिनियर ब्वाइज, सिनियर गल्र्स र मिक्स जुनियरमा च्याम्पियन बन्यो । काँडाघारीस्थित आयोजक अक्षरा स्कुलको कोर्टमा भएको सिनियर ब्वाइजको प्रतिस्पर्धात्मक फाइनलमा भ्याली पब्लिकले अक्षरिकालाई ६५-६४ ले पराजित गर्यो । भ्याली पब्लिकका सुनिल पौडेलले ३६ अंक जोड्नुभयो । सिनियर गल्र्सको उपाधि भिडन्तमा भ्याली पब्लिकले नेमोनिकलाई ५०-१५ ले हरायो । भ्याली पब्लिककी एन्जल गुप्ताले १० अंक जोड्नुभयो ।
मिक्स जुनियरमा भ्याली पब्लिकले आलोक विद्याश्रमलाई ३८-१० ले पाखा लगायो । भ्याली पब्लिकका विशाल परियारले २० अंक बटुल्नुभयो । सिनियर ब्वाइजमा सुनिल पौडेल, सिनियर गल्र्समा अनिता गुरुङ र मिक्स जुनियरमा विशाल परियार ‘मोस्ट भेलुएबल प्लेयर’ घोषित हुनुभयो । तीनै भ्याली पब्लिकका हुनुहुन्छ ।
सिनियर ब्वाइजमा अक्षरिकाका आर्यन श्रेष्ठ, सिनियर गल्र्समा नेमोनिककी शान्ति तामाङ र मिक्स जुनियरमा आलोक विद्याश्रमका सार्थक सिग्देल सर्वाधिक स्कोरकर्ता बन्नुभयो । सिनियर ब्वाइजमा गेटवे एकेडेमीका सन्दिप सिवाकोटी, सिनियर गल्र्समा बौद्ध इन्टरनेसनल स्कुलकी दावा शेर्पा र मिक्स जुनियरमा अक्षराका रुविन महत उदीयमान खेलाडी चुनिनुभयो ।
विजेतालाई प्याब्सनका केन्द्रीय अध्यक्ष कृष्णप्रसाद अधिकारी, अक्षराकी निर्देशक अञ्जु भट्टराई, अक्षराकी प्रिन्सिपल मिलन केसी लोप्चन, डा.राजु अधिकारीलगायतले एक कार्यक्रमबीच पुरस्कृत गर्नुभयो । माघ १६ गतदेखि सुरु प्रतियोगिताको सिनियर ब्वाइज र गल्र्समा समान १६-१६ तथा मिक्स जुनियरमा १२ टिमले नकआउट आधारमा प्रतिस्पर्धा गर्नुभएको थियो ।
यस्तै बोधीसदन र ग्रीनफिल्ड एनप्याब्सन खेलकुद सप्ताहअन्तर्गत ब्वाइज बास्केबटबलमा फाइनलमा प्रवेश गरेका छन् । शंखमूलस्थित नेरिक एकेडेमीको कोर्टमा बोधीसदनले साइन मोडेललाई १२-६ ले पराजित गर्यो । अर्को सेमिफाइनलमा ग्रिनफिल्डले काठमाडौं स्कुल अफ सेन्ट्रल स्टेटलाई ३०-१४ ले हरायो । नकआउट पद्धतिमा भइरहेको बास्केटबलमा १४ टिम सहभागी छन् ।
एनप्याब्सन काठमाडौं जिल्ला कार्यसमितिद्वारा आयोजित खेलकुद सप्ताह शुक्रबार सम्पन्न हुनेछ । खेलकुद सप्ताहमा विभिन्न ५ खेल समावेश छन् । टेबलटेनिस, एथलेटिक्स, ब्वाइज फुटसल र टग अफ वार सम्पन्न भइसकेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच