काठमाडौं । राष्ट्रिय पारालिम्पिक कमिटी नेपालको अध्यक्षमा राधा घले सर्वसम्मत चयन हुनुभएको छ । उहाँ कमिटीको छैटौँ महाधिवेशन एवं २३औँ वार्षिक साधारणसभाबाट सर्वसम्मत अध्यक्षमा चयन हुनुभएको हो ।
घलेको सभापतित्व एवं महिला बालबालिका तथा ज्येष्ठ नागरिकमन्त्री सुरेन्द्रप्रसाद आचार्यको प्रमुख आतिथ्यतामा काठमाडौंमा हालै सम्पन्न कार्यक्रममा विशेष अतिथिका रूपमा बागमती प्रदेश खेलकुद परिषद्का सदस्य-सचिव सूर्यलाल भण्डारी, अतिथिमा कीर्तिपुर नगरपालिकाका पूर्व नगरप्रमुख रमेश महर्जन, ओलम्पिक कमिटीका सदस्य रमेश शिवाकोटी, काठमाडौं महानगरपालिका वडा कमिटीका अध्यक्ष दिनेश महर्जनलगायत विभिन्न पारा खेलकुदका अध्यक्ष एवं प्रतिनिधिको उपस्थिति थियो ।
राष्ट्रिय पारालिम्पिक कमिटी नेपालको प्रतिनिधिका रूपमा पारा एथलेटिक्स संघ नेपाल, राष्ट्रिय पारा पौडी संघ नेपाल, राष्ट्रिय पारा भारोत्तोलन खेलकुद संघ नेपाल, राष्ट्रिय भलिबल एसोसिएसन नेपाल, राष्ट्रिय वोसिया संघ नेपाल, हिृवलचियर डान्स एण्ड स्पोर्ट्स एसोसिएसन नेपाल, नेपाल बहिरा तथा दृष्टिविहीन पारा जुडो संघ, राष्ट्रिय हिृवलचियर फेन्सिङ संघ नेपाल, नेपाल सुटिङ पारा स्पोर्ट्स संघ, पारा रोइङ एसोसिएसन नेपाल, नेपाल पारा ब्याडमिन्टन संघ, नेपाल पारा आर्चरी संघ, नेपाल पारा फुटबल संघ, राष्ट्रिय पारा बलिङ एसोसिएसन नेपाल, नेसनल फिजिकल, डिसाबिलिटी टेबलटेनिस संघ नेपाल, पारा साइकिङ एसोसिएसन नेपाल, एजुकेसन डिसाबिलिटी एसोसिएसनलगायतका संघबाट प्रतिनिधिका रूपमा सहभागिता थियो ।
कार्यक्रममा स्वागत मन्तव्य राष्ट्रिय पारालिम्पिक कमिटीका वरिष्ठ उपाध्यक्ष केदारबाबु शिवाकोटीले राख्नुभएको थियो । कार्यक्रमको उद्घाटन प्रमुख अतिथि मन्त्री आचार्यले पानसमा बत्ती बाली गर्नुभएको थियो भने अतिथिहरूलाई स्वागतका लागि सेन्ट जर्ज स्कुल हाँडीगाउँका विद्यार्थीहरूले नृत्यद्वारा गरेका थिए । विशेष अतिथि सूर्यलाल भण्डारीले पारा खेलकुद राष्ट्रका लागि गौरवको कुरा हो र हामी सबै मिलेर सहयोग गर्नुपर्ने बताउनुभयो । यसमा प्रदेश खेलकुद परिषद् प्रतिबद्ध रहेको उहाँको भनाइ थियो । प्रमुख अतिथि मन्त्री आचार्यले पारा खेलकुद पछाडि नपर्ने गरी मन्त्रालयका तर्फबाट सहयोग रहने प्रतिबद्धता जनाउनुभयो । कार्यक्रममा कोषाध्यक्ष ओमनाथ शिवाकोटीले धन्यवाद ज्ञापन गर्नुभएको थियो । कार्यक्रममा कोषाध्यक्ष शिवाकोटीलाई उत्कृष्ट कार्य गरेबापत सम्मान पनि गरिएको थियो ।
कार्यक्रमलाई उद्घाटन र बन्द सत्र गरी दुई भागमा बाँडिएको थियो । बन्द सत्रमा महासचिव र कोषाध्यक्षको प्रतिवेदन पेश गरिएको थियो । सहभागी प्रतिनिधिहरूले प्रस्तुत प्रतिवेदनमाथि छलफल गरी सुझाव पेश गरेका थिए । कार्यक्रमको अन्तिममा सभापति एवं अध्यक्ष घलेले सबैले कार्यक्रममा सहयोग गरेकामा धन्यवाद दिंँदै सबैले सहयोग गर्दामात्र सफल भइने बताउनुभयो । महाधिवेशनबाट नयाँ नेतृत्व सर्वसम्मतरूपमा चयन भएको छ । जसमा अध्यक्षमा राधा घले, सदस्यहरूमा केदारबाबु शिवाकोटी, टेकबहादुर गुरुङ, उदयबहादुर लिम्बू, पशुपति पराजुली, विश्वास बस्नेत, ओमनाथ शिवाकोटी, सरोज श्रेष्ठ, रमेश शिवाकोटी, दिनेश महर्जन, विकास थापा, रामहरि गुरुङ हुनुहुन्छ ।
महाधिवेशनपछि बसेको बैठकले कार्यविभाजनसमेत गरेको छ । जसमा वरिष्ठ उपाध्यक्षमा केदारबाबु शिवाकोटी, उपाध्यक्षमा टेकबहादुर गुरुङ र उदयबहादुर लिम्बू, महासचिवमा पशुपति पराजुली, सचिवमा विश्वास बस्नेत र कोषाध्यक्षमा ओमनाथ शिवाकोटी रहनुभएको छ । यस्तै, सदस्यमा दीपक केसी, प्रकाश पराजुली, राजेन्द्र कोइराला, रामचन्द्र श्रेष्ठ र सुलक्षण शिवाकोटीलाई चयन गरिएको छ । कमिटीको सदस्यमा सामाजिक संघ संस्थाबाट सुनिता लामा र पारा ओलम्पियनबाट लक्ष्मी कुँवरलाई चयन गरिएको अध्यक्ष घलेले जानकारी गराउनुभयो । अध्यक्ष घले नेपाली कांग्रेसको केन्द्रीय सदस्यसमेत हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच