काठमाडौं । बेलायतले नेपाल इन बिजनेस(एनआइबी) र हरित विकास कार्यक्रम ग्रिन ग्रोथ प्रोग्राम(जिजिपी) परियोजना कार्यान्वयन गर्न सात करोड पाउण्ड स्टर्लिङ अर्थात् झण्डै ११ अर्ब ७० करोड अनुदान सहयोग प्रदान गर्ने भएको छ । आगामी सात वर्षसम्म दुवै परियोजना सञ्चालन हुनेछन् । नेपालको भ्रमणमा रहनुभएका अफ्रिकाका लागि बेलायतका विकासमन्त्री एन्ड्रु मिचेल र अर्थमन्त्री डा. प्रकाशशरण महतको उपस्थितिमा अनुदान सहायतासम्बन्धी सम्झौतापत्रमा अर्थ मन्त्रालयमा हस्ताक्षर भएको हो । मन्त्रालयका सहसचिव श्रीकृष्ण नेपाल र नेपालस्थित बेलायती दूतावासका विकास निर्देशक पिपा बर्डले हस्ताक्षर गर्नुभएको अर्थ मन्त्रालयले जनाएको छ ।
एनआइबी कार्यक्रमबाट प्राप्त हुने अनुदान नेपालको समग्र आर्थिक विकास, गरिबी निवारण र समग्र आर्थिक समृद्धिको बाटो निर्धारणमा सहयोग गर्ने अपेक्षा गरिएको छ । कार्यक्रमले साना तथा मझौला उद्यमलाई सहयोग गर्नेछ । त्यसैगरी हरित नेपाल विकास कार्यक्रमले उद्योग तथा सेवा क्षेत्रमा लगानी गर्न, जलवायु अनुकूलित पूर्वाधार निर्माण गर्न, दिगो आर्थिक नीतिलाई सुदृढ गर्न र आर्थिक सहजीकरण गरी समावेशी विकासका लागि सहयोग गर्ने बताइएको छ ।
सो अवसरमा अर्थमन्त्री महतले नेपालको सामाजिक–आर्थिक विकासका प्राथमिकतालाई पूरा गर्न बेलायत सरकारले निरन्तर सहयोग गरेकामा आभार व्यक्त गर्नुभयो । नेपालको आर्थिक वृद्धि, दिगोपन प्रवद्र्धन, गरिबी घटाउनेलगायत महत्वपूर्ण कार्यक्रम कार्यान्वयनका लागि अनुदान उपयोगी हुने उहाँको भनाइ थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच