माघसम्म जीवन बिमा कम्पनीको ८७ अर्बको व्यवसाय

काठमाडौं । चालु आर्थिक वर्ष २०८०/०८१ को सात महिना अर्थात् साउनदेखि माघसम्म जीवन बिमा कम्पनीहरूले झण्डै ८७ अर्ब अर्थात् ८६ अर्ब ८८ करोड आठ लाख ४२ हजार रुपैयाँ बराबरको जीवन बिमा व्यवसाय गरेका छन् । जसमध्ये नयाँ व्यवसायको हिस्सा १८.५४ प्रतिशत बराबर रहेको छ । नेपाल बिमा प्राधिकरणका अनुसार माघसम्ममा संकलित कुल बिमाशुल्कमा नयाँ व्यवसायबापत १६ अर्ब ११ करोड छ लाख ४० हजार रुपैयाँ प्रथम बिमाशुल्क संकलन भएको छ । माघमा यसअघि नै बिक्री भइसकेको बिमालेख नवीकरणबाट ७० अर्ब ७७ करोड दुर्ई लाख दुर्ई हजार रुपैयाँ अर्थात् ८१.४६ प्रतिशत संकलन भएको हो ।

२०७९ माघसम्ममा जीवन बिमा कम्पनीले कुल ८३ अर्ब ३९ करोड १४ लाख २४ हजार रुपैयाँ संकलन गरेका थिए । जसमध्ये प्रथम बिमाशुल्कबापत १६ अर्ब ११ करोड छ लाख ४० हजार र नवीकरण बिमाशुल्कबापत ७० अर्ब ७७ करोड दुर्ई लाख दुई हजार रुपैयाँ थियो । सञ्चालनमा रहेका १४ जीवन बिमा कम्पनीमध्ये नेपाल लाइफ इन्स्योरेन्सले माघसम्ममा २३ अर्ब २० करोड ७४ लाख २६ हजार रुपैयाँ संकलन गरेको छ । कम्पनीले तीन अर्ब ६७ करोड ८९ लाख ५५ हजार प्रथम बिमाशुल्क संकलन गर्दा १९ अर्ब ५२ करोड ८४ लाख ७१ हजार रुपैयाँ नवीकरण बिमाशुल्क संकलन गरेको हो । समग्र प्रिमियम संकलनमा नेपाल लाइफ इन्स्योरेन्सको हिस्सामात्रै एक चौथाई बढी अर्थात् २६.७१ प्रतिशत रहेको छ ।

त्यस्तै, लाइफ इन्स्योरेन्स कर्पोरेसन नेपाल (एलआइसी) ले कुल १० अर्ब १४ करोड ६९ लाख १२ हजार रुपैयाँ बिमाशुल्क संकलन गरेको छ । सो अवधिमा कम्पनीले एक अर्ब १९ करोड ८७ लाख २७ हजार प्रथम बिमाशुल्क र आठ अर्ब ९४ करोड ८१ लाख ८५ हजार नवीकरण बिमाशुल्क संकलन गरेको हो । तेस्रो स्थानमा रहेको नेसनल लाइफ इन्स्योरेन्सले दुई अर्ब ३५ करोड ६९ लाख ३८ हजार रुपैयाँ प्रथम बिमाशुल्क र सात अर्ब ६९ करोड ५८ लाख ५५ हजार रुपैयाँ नवीकरण शुल्क गरी कुल १० अर्ब पाँच करोड २७ लाख ९३ हजार संकलन गरेको छ ।

बिमाशुल्क संकलनका आधारमा चौथो स्थानमा रहेको हिमालयन लाइफले एक अर्ब २० करोड १५ लाख ४४ हजार प्रथम बिमाशुल्क र आठ अर्ब ७१ करोड १९ लाख ३९ हजार रुपैयाँ गरी कुल नौ अर्ब ९१ करोड ३४ लाख ८३ हजार रुपैयाँ बिमाशुल्क संकलन गरेको छ भने सूर्यज्योति लाइफ इन्स्योरेन्सले एक अर्ब १५ करोड २७ लाख ८५ हजार रुपैयाँ प्रथम बिमाशुल्क र तीन अर्ब ८७ करोड ९४ लाख ९७ हजार रुपैयाँ नवीकरण शुल्क गरी कुल पाँच अर्ब तीन करोड २२ लाख ८२ हजार संकलन गरेको छ । सरकारी स्वामित्वको राष्ट्रिय जीवन बिमा कम्पनीले पनि चार अर्ब ९८ करोड १९ लाख ९६ हजार रुपैयाँ प्रिमियम संकलन गरेको छ । जसमध्ये ३५ करोड १४ लाख ७४ हजार रुपैयाँ प्रथम बिमाशुल्क र चार अर्ब ६३ करोड पाँच लाख २२ हजार रुपैयाँ नवीकरण शुल्क रहेको छ । एसियन लाइफले ८९ करोड चार लाख ९६ हजार प्रथम बिमाशुल्क र तीन अर्ब ५४ करोड ४४ लाख ९५ हजार रुपैयाँ नवीकरण बिमाशुल्क गरी कुल चार अर्ब ४३ करोड ५९ लाख ९१ हजार रुपैयाँ संकलन गरेको छ ।

सानिमा रिलायन्स लाइफले ८५ करोड ९१ लाख ६२ हजार रुपैयाँ प्रथम बिमाशुल्क र दुई अर्ब ५२ करोड ३४ लाख ६५ हजार रुपैयाँ नवीकरण बिमाशुल्क गरी कुल तीन अर्ब ३८ करोड २६ लाख २७ हजार रुपैयाँ आर्जन गरेको छ भने सिटिजन लाइफ इन्स्योरेन्सले तीन अर्ब २६ करोड ६२ लाख ५३ हजार रुपैयाँ संकलन गरेकोमा ९५ करोड ६३ लाख ५७ हजार रुपैयाँ प्रथम बिमाशुल्क र दुई अर्ब ३० करोड ९८ लाख ९६ हजार रुपैयाँ नवीकरण बिमाशुल्क रहेको छ ।

अमेरिकन मेट लाइफले ७२ करोड १८ लाख ८४ हजार रुपैयाँ प्रथम बिमाशुल्क र दुई अर्ब ४२ करोड सात लाख १३ हजार रुपैयाँ नवीकरण बिमाशुल्क गरी कुल तीन अर्ब १४ करोड २५ लाख ९७ हजार रुपैयाँ आर्जन गरेको छ भने आइएमई लाइफ इन्स्योरेन्सले दुई अर्ब ५० करोड १९ लाख २८ हजार रुपैयाँ बिमाशुल्क संकलन गरेकोमा ७६ करोड ७५ लाख ८८ हजार रुपैयाँ प्रथम बिमाशुल्क र एक अर्ब ७३ करोड ४३ लाख ४० हजार रुपैयाँ नवीकरण बिमाशुल्क रहेको छ । प्रभु महालक्ष्मी लाइफले दुई अर्ब ३८ करोड ५२ लाख ५१ हजार रुपैयाँ प्रिमियम संकलन गरेकोमा ४५ करोड ८१ लाख ५४ हजार रुपैयाँ प्रथम बिमाशुल्क र एक अर्ब ९२ करोड ७० लाख ६१ हजार रुपैयाँ नवीकरण शुल्क रहेको छ ।

रिलायबल नेपाल लाइफले दुई अर्ब ३० करोड ९९ लाख पाँच हजार रुपैयाँ आर्जन गरेकोमा ७४ करोड ६२ लाख ७१ हजार रुपैयाँ प्रथम बिमाशुल्क र एक अर्ब ५६ करोड ३६ लाख ३४ हजार रुपैयाँ नवीकरण बिमाशुल्क रहेको छ । सन नेपाल लाइफले सबैभन्दा कम बिमाशुल्क संकलन गरेको छ । सो अवधिमा ७७ करोड तीन लाख पाँच हजार रुपैयाँ प्रथम बिमाशुल्क र एक अर्ब ३५ करोड ११ लाख २९ हजार रुपैयाँ नवीकरण बिमाशुल्क गरी कुल दुई अर्ब १२ करोड १४ लाख ३४ हजार रुपैयाँ आर्जन गरेको छ ।