काठमाडौं । आयोजक काष्ठमण्डप र नामीले सातौँ काष्ठमण्डप अन्तर ‘ए’ लेभल थ्री बाई थ्री बास्केटबल प्रतियोगिताको उपाधि जितेको छ । काष्ठमण्डप ब्वाइज तथा नामी गल्र्समा च्याम्पियन बने । मण्डिखाटारस्थित घरेलु कोर्टमा भएको ब्वाइज फाइनलमा काष्ठमण्डपले ओरियन्टलाई १३-९ ले पराजित गर्यो । काष्ठमण्डपका अन्सुल गोपालीले ११ तथा चिराग हमालले २ अंक जोड्नुभयो ।
गल्र्सको उपाधि भिडन्तमा नामीले बुढानीलकण्ठलाई २२-१ ले सहजै हरायो । नामीका गुरुत्सो लामाले ११, छिरिङ शेर्पाले ८ र सुवेक्षा लामाले ३ स्कोर गर्नुभयो । प्रतियोगिताको ब्वाइजमा काष्ठमण्डपका अन्शुल तथा गल्र्समा नामीकी गुरुत्सो ‘मोस्ट भेलुएबल प्लेयर’ घोषित हुनुभयो ।
विजेतालाई नेपाल बास्केटबल संघका महासचिव नरेन्द्र थापा, काष्ठमण्डपकी संस्थापक निर्देशक एवं प्रिन्सिपल डा. शिवा थापा, काष्ठमण्डपकी निर्देशक इला पिया र ए लेभल को–ओर्डिनेटर यादव थपलियाले एक कार्यक्रमबीच पुरस्कृत गर्नुभयो । दुई प्रतियोगिताको ब्वाइजमा आठ तथा गल्र्समा चार टिम सहभागी थिए । गल्र्सको प्रतिस्पर्धा पहिलोपटक राखिएको काष्ठमण्डपका इसिए इन्चार्ज सुन्दर बुढाथोकीले जनाउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच