बुटबल । यही शुक्रबारदेखि सिनेमाघरमा आउने तयारीमा रहेको चलचित्र ‘अगस्त्य’का कलाकार दर्शकसँगको साक्षात्कारमा जुटेका छन् । यही क्रममा बुटबल आउनुभएका चलचित्रका मुख्य कलाकार सौगात मल्लले स्थानीय पत्रकारसँग अगस्त्य सामाजिक कथाभित्रको एक्सन सस्पेन्स र थ्रिलर चलचित्र भएको बताउनुभएको छ । उहाँ यतिबेला दर्शक भेट्न तराई क्षेत्रमा केन्द्रित हुनुहुन्छ ।
तराईको भू-भागसँगै हरेक नेपालीले हेर्नैपर्ने कथामा चलचित्र बनेको भन्दै उहाँले अगस्त्यले नेपालीको सामाजिक र मानसिक तवरबाट समग्र कथा भन्ने बताउनुभयो । अगस्त्यमा खलनायकको भूमिकामा प्रमोद अग्रहरि हुनुहुन्छ । पछिल्ला चलचित्रमा अक्सर खलनायक चरित्रमा देखिँदै आउनुभएका प्रमोद यो चलचित्रमा ‘त्रिपाठी’ चरित्रमा देखिँदै हुनुहुन्छ ।
प्रमोदले ‘त्रिपाठी’ चरित्र अगस्त्यको बाहुबलीजस्तै भएको बताउनुभएको छ । ‘सबै कुरा उसकै (त्रिपाठी)कै अण्डरमा छ । उसको आफ्नै सञ्जाल छ । उसको इसाराबिना समाजको केही कुरा पनि वरको पर चल्दैन’, उहाँले भन्नुभयो, ‘यस्तो कथा मैले अन्य ठाउँमा देखेको छु, भारतमा पनि देखेको छु । मैले त्यो देखेको क्यारेक्टरलाई मात्र क्यारेक्टरमा उतारेको हुँ । पहिरन र लुक्स उनीहरूबाटै लिएको हुँ ।’ आफ्नो चरित्र दर्शकले मन पराउनेमा उहाँ आशावादी हुनुहुन्छ ।
सौरभ चौधरी निर्देशित यो चलचित्रमा सौगात र प्रमोदका साथै नाजिर हुसेन, मलिका महत, निश्चल बस्नेत, बेन बस्नेत, विजय बराल, रवीन्द्र झा, शिशिर बाङ्देल, सिम्रन खड्कालगायत कलाकारको अभिनय छ । चलचित्रमा निर्देशक चौधरी स्वयंले कथा लेख्नुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच