काठमाडौं । गेटवे एकेडेमीले छैटौँ पिस प्वाइन्ट कप अन्तरविद्यालय छात्र फुटबल प्रतियोगिताको उपाधि जितेको छ । सानो गौचरण मैदानमा भएको फाइनलमा गेटवेले आयोजक पिस प्वाइन्टलाई टाइब्रेकरमा ५-४ गोलले पराजित गर्दै नयाँ च्याम्पियन बन्यो ।
निर्धारित समयको खेल गोलरहित बराबरीमा टुंगिएपछि खेलको निर्णय सिधै पेनाल्टी सुट आउटबाट गरिएको थियो । हारसँगै पिस प्वाइन्ट उपाधिमाथि दोहोरो हृयाट्रिक गर्नबाट चुक्यो । विगतका पाँचै संस्करणको उपाधि पिस प्वाइन्टले जितेको थियो ।
गेटवेका लागि प्रदिप खत्री, शिशिर श्रेष्ठ, राजन आचार्य, प्रतीक रायमाझी र लक्ष्मण उप्रेतीले गोल गर्नुभयो । पिस प्वाइन्टका पवन बुढाथोकी, विशेष थिङ, नितेश मोक्तान र प्रज्ञान राईले गोल गर्नुभयो । महेश राई चुक्नुभयो ।
उपाधि यात्रामा गेटवेले यसअघि पहिलो चरणमा ज्ञान निकेतनलाई ११-०, क्वाटरफाइनलमा त्रिवेणीलाई ८-० र सेमिफाइनलमा एकलव्यलाई टाइब्रेकरमा ४-३ गोलले हराएको थियो ।
मनकामनाले एकलव्यलाई ५-० गोलले पाखा लगाउँदै तेस्रो भयो । पाँचै गोल सनिल मगरबाट सम्भव भयो । शीर्ष तीन स्थान हात पार्नेले क्रमशः ३० हजार, २० हजार र १० हजार नगद पुरस्कार हात पारे ।
गेटवेका लक्ष्मण उप्रेती प्रतियोगिताको सर्वोत्कृष्ट खेलाडी घोषित हुनुभयो । गोलरक्षकमा गेटवेका रोहन महत, डिफेन्समा पिस प्वाइन्टका नितेश मोक्तान र प्रशिक्षकमा गेटवेका युमन छोछे उत्कृष्ट चुनिनुभयो । प्रतियोगिताभर २० गोल गर्नुभएका पिस प्वाइन्टका राहुल लामा सर्वाधिक गोलकर्ता बन्नुभयो । पिस प्वाइन्टले क्वाटरफाइनलमा प्रस्फुटनविरुद्ध २४-१ को जित निकाल्दा राहुल एक्लैले १४ गोल प्रहार गर्नुभएको थियो ।
विजेतालाई अखिल नेपाल फुटबल संघका उपाध्यक्ष विराटजंग शाही, ३६१ डिग्रीका प्रबन्ध निर्देशक धिरज कार्की, आयोजक विद्यालय व्यवस्थापन समितिकी अध्यक्ष नर्वदा थापा, पिस प्वाइन्टकी संस्थापक प्रिन्सिपल इशु गुरुङलगायतले एक कार्यक्रमबीच पुरस्कृत गर्नुभयो । छदिने प्रतियोगितामा १६ टिमले नकआउट आधारमा प्रतिस्पर्धा गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच