काठमाडौं । सूर्य नेपाल गल्फ टुर २०२३-२४ अन्तर्गतको पाँचौँ प्रतियोगिता, सूर्य नेपाल च्यालेन्ज सोमबार (आज)बाट रोयल नेपाल गल्फ क्लबमा सुरु हुँदैछ । चार दिनसम्म चल्ने ७२ होलको प्रतियोगितामा ३१ प्रोफेसनल र ११ एमेच्योर खेलाडीले दाबेदारी प्रस्तुत गर्ने प्रोफेसनल गल्फर्स एसोसिएसन नेपालका महासचिव दीपक आचार्यले जानकारी दिनुभयो । ३६ होलको समाप्तिमा कट लागू हुनेछ । जहाँ उत्कृष्ट २१ खेलाडीले तेस्रो र चौथो दिनका लागि स्थान सुरक्षित गर्नेछन् । एमेच्योर खेलाडीको हकमा पनि कट बनाउन उत्कृष्ट २१ भित्र पर्नुपर्नेछ ।
कुल पाँच लाख ७२ हजार २५० नगद पुरस्कार राशि रहेको प्रतियोगिताको विजेताले नगद एक लाख पुरस्कार प्राप्त गर्नेछ । दोस्रो र तेस्रो हुने खेलाडीहरूले क्रमशः ६७ हजार र ४८ हजार हात पार्नेछन् । यसैगरी चौथो हुनेलाई ४० हजार र पाँचाँै हुनेलाई ३६ हजार प्रदान गरिनेछ । कट बनाउने २१ प्रोफेसनल गल्फरले नगद पुरस्कार प्राप्त गर्नेछन् ।
प्रतियोगितालाई प्रतिस्पर्धात्मक बनाउनका लागि रोयल नेपाल गल्फ क्लबको कोर्सलाई पनि केही अप्ठ्यारो बनाइएको छ । जसले गर्दा प्रतिस्पर्धा रोचक हुने अनुमान गरिएको छ । कोर्ससँग अभ्यस्त हुन गल्फरहरूले तयारी सुरू गरिसकेका छन् ।
तीनवटा रेकर्डसहित सूर्य नेपाल वेस्टर्न ओपन जित्नुभएका भुवन नगरकोटी यो प्रतियोगिताको प्रमुख दाबेदार हुनुहुन्छ । यस्तै, यो सिजनको सुरूवात शानदार गर्नुभएका दिनेश प्रजापतीसँगै रवि खड्का र जयराम श्रेष्ठले पनि उत्कृष्ट प्रदर्शन गर्ने अनुमान गरिएको छ । प्रोफेसनल गल्फरहरूलाई युवा एमेच्योर तथा डिफेण्डिङ च्याम्पियन सद्भाव आचार्यले कडा चुनौती दिनुहुनेछ । गत सिजन सबैभन्दा कम उमेरमा सूर्य नेपाल च्यालेन्ज जितेर इतिहास बनानुभएका सद्भाव पनि उच्च फर्ममा रहनुभएको छ । उहाँ उपाधि रक्षा गर्ने कोसिसमा रहनुहुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच