काठमाडौं । हामी र हाम्रो कृति समूहको १३औंं र १४औंं कृति समूहका सदस्य नवराज पोखरेल र सोही समूहका महासचिव बद्री उप्रेतीको मुक्तकसंग्रह क्रमशः ‘नवशिला’ र ‘चिराइतो’ लोकार्पण गरिएको छ । काठमाडौंको बालुवाटास्थित लीलाध्वज थापा साहित्य प्रतिष्ठानको सभाहल दुवै कृतिको सयुक्तरूपमा लोकार्पण गरिएको हो ।
चिराइतो मुक्तक संगह लेखककी गुरु नीलाञ्जला भारद्वाज, नवशिला मुक्तक संग्रहकी प्रकाशक शिला पोखरेल, चिराइतो मुक्तक संग्रहकी प्रकाशक नम्रता उप्रेतीका साथै कृतिकारद्वय बद्री उप्रेती, नवराज पोखरेल र हामी र हाम्रो कृति समूहका अध्यक्ष मदनप्रसाद नेपाललगायतले कृतिको सयुक्तरूपमा लोकार्पण गर्नुभएको थियो ।
कार्यक्रममा हामी र हाम्रो कृति समूहकी उपाध्यक्ष गंगा आचार्य सेढाइँ, सोही समूहकी सदस्य शारदा गौतम आचार्य, नेपाल मुक्तक प्रतिष्ठानका उपाध्यक्ष वरिष्ठ सहित्यकार तथा पत्रकार वियोगी बुढाथोकी, वरिष्ठ कवि एवं मुक्तिनाथ दर्शन साहित्य समाज नेपालका अध्यक्ष कलानिधि दाहाल र लीलाध्वज थापा साहित्य प्रतिष्ठानका अध्यक्ष विजयध्वज थापा, राजनीतिक विश्लेषक तथा वरिष्ठ समालोचक प्रा.डा.गोविन्द मानसिंह कार्की र नारी स्रष्टा समाज नेपालकी अध्यक्ष ममता मृदुललगायतको उपस्थिति थियो ।
विमोचित कृति चिराइतोको समीक्षा प्रा.डा.गोविन्द मानसिंह कार्की र नवशिलाको समीक्षा ममता मृदुलले गर्नुभएको थियो भने हामी र हाम्रो कृति समूहका अध्यक्ष मदनप्रसाद नेपालले कृतिकारद्वय उप्रेती र पोखरेललाई थप कृतिका लागि प्रोत्साहित गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच