काठमाडौं । माधव नेपालसँगको छलफल सकेर प्रधानमन्त्री पुष्पकमल दाहाल र एमाले अध्यक्ष केपी शर्मा ओली नेपाल निवासबाट बाहिरिए लगत्तै राप्रपा अध्यक्ष कोटेश्वर पुग्नुभएको छ।
नेपालको कोटेश्वर निवासमा भएको दुई घण्टा लामो छलफलमा सत्ता सहकार्यको लागि दाहाल र ओलीले प्रस्ताव राख्नुभएको थियो ।
भेटमा उहाँहरुबीच नेपालले सकारात्मक जवाफ दिएको बताइएको छ । अध्यक्ष नेपालले बुधवार पार्टीको बैठक बोलाइएको र त्यहीँबाट उपयुक्त निर्णय लिने जवाफ दिनुभएको बुझिएको छ ।
नयाँ गठबन्धन भन्दा बाहिर रहेको राप्रपाका अध्यक्ष लिङदेनको नेपाल निवास प्रवेशलाई अर्थपूर्ण रुपमा हेरिएको छ ।
संसदमा सबैभन्दा ठूलो शक्ति नेपाली कांग्रेसले तत्काल त्यस खालको कसरतमा नलागि शक्तिशाली प्रतिपक्षको भूमिका निर्वाह गर्ने बताएको छ । तर आज दिनभरको माधव नेपाल निवासमा विभिन्न दलका नेताहरुको ओहोरदोहोर बढ्नुले केही आशंका उब्जिएका छन् ।
स्रोतका अनुसार कांग्रेसले एमाले र माओवादीबाहेकको अर्को गठबन्धनको कसरत गरिरहेको छ । आजै मात्र पनि कांग्रेसले रास्वपा सभापति रवि लामिछानेलाई प्रधानमन्त्रीको अफर गरेको समाचार बाहिरिएका थिए । प्रधानमन्त्री प्रचण्डले गठबन्धन टुटाउँदै त्यसलाई रोक्नका लागि सभापति शेरबहादुर देउवाले एमाले अध्यक्ष ओली निवास बालकोटमा दूत पठाएको चर्चा छ ।
यस्तै नेपाल निवासमा दाहाल र ओली निस्किएलगत्तै लिङ्देनको प्रवेशलाई विशेष अर्थ र चासोको साथ हेरिएको छ ।
प्रधानमन्त्री दाहालले कांग्रेससँगको गठबन्धन तोडेर एमालेसहितको नयाँ गठबन्धन बनाएपछि राजनीतिक तातिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच