भोजपुर । उडान बन्द भएको छ बर्षपछि भोजपुर– बिराटनगर पुन हवाई उडान भएपछि यात्रुहरुमा उत्साह देखिएको छ । नेपाल वायु सेवा निगमको जहाजले पुन शनिवारबाट भोजपुर–बिराटनगर उडान थालेको हो ।
बन्द भएको छ बर्षपछि बिराटनगर यात्रा गर्न पाएकोमा यात्रुहरुले खुशी महशुस गर्नु भएको छ । भोजपुर नगरपालिकाका नगर प्रमुख कैलाशकुमार आलेले खादा र केक बाँड्दै विराटनगरका लागि यात्राको शुभकामना दिनु भएको थियो । काठमाडांैबाट आएको निगमको जहाजले नौ जना यात्रु लिएर विराटनगर उडेको हो ।
उडान बन्द भएको लामो समयपछि विराटनगर उड्न पाएकोमा यात्रु उषा थापाले खुशी लागेको बताउँदै भन्नुभयो, “समस्यामा परेका यात्रुहरुलाई बिराटनगर जान अव सहज भएको छ, हामी जिल्लावासी त्यसैमा खुशी छांै, निगमले नियमित उडान गरिदिओस् ।”
नेपाल वायु सेवा निगमले हप्तामा शनिवार र बिहिवारका लागि विराटनगर उडान तालिका राखेको निगमका भोजपुर स्टेशन प्रमुख प्रकाश खड्काले बताउनुभयो । उहाँले भन्नुभयो, ‘अव उडान तालिका अनुसार नै बिराटनगर उडान हुने छ । अहिलेका लागि काठमाण्डौबाट भोजपुर आएर बिराटनगर जाने र बिराटनगरबाट फर्किएर फेरि काठमाडांै जाने तालिका बनाइएको छ । बिमान अभाव लगायतका समस्या देखाउँदै निगमले भोजपुर–काठमाडौं उडान तालिका कायम राख्दै बिराटनगर उडान बन्द गरेको थियो । २०७४ सालपछि विराटनगर उडान हुन सकेको थिएन । जिल्लावासीको मागलाई सम्वोधन गर्दै निगमले तत्कालका लागि हप्तामा दुई उडान गर्न लागेको स्टेशन प्रमुख खडकाको भनाई रहेको छ ।
हवाई उडान बन्द हुँदा जिल्ला अस्पतालबाट सुबिधा सम्पन्न अस्पताल लान सिफारिस गरेका बिरामीहरु, ज्येष्ठ नागरिकहरुलाई समस्या हुँदै आएको थियो । ज्येष्ठ नागरिक र बिरामीहरुलाई समस्या भइरहेको अवस्थामा बन्द रहेको उडान फेरि सुचारु हुनु जिल्लावासीका लागि खुशीको कुरा भएको भोजपुर नगरपालिकाका नगर प्रमुख आलेको धारणा छ । प्रमुख आलेले भन्नुभयो, “अव तोकिएको दिन सेवा सञ्चालन हुने गरी निगमले उडान गर्नु पर्छ, जसले समस्यामा परेका नागरिकलाई सेवा पुगोस् ।”
नेपाल बायु सेवा निगम भोजपुरले भोजपुर बिराटनगर भाडा चार हजार २९ रुपैया कायम भएको जनाएको छ । नागरिकको सेवालाई ध्यान दिदै इसेवा मार्फत पनि टिकट लिने ब्यवस्था मिलाईएको छ । भोजपुरमा रहेको एक मात्र बिमानस्थलमा नेपाल बायु सेवा निगमको जहाजले मात्र हप्तामा चार उडान काठमाण्डौ गर्दे आई रहेको छ । पाँच सय ४५ मिटर लम्वाई भएको बिमानस्थल कालोपत्रे भएपनि बिराटनगर उडान ठप्प थियो ।
प्रदेश राजधानी जान र आउन पुन उडान सुरु भएपछि सहजता थपिएको भोजपुरवासी शंकर प्रसाद आचार्यको भनाई रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच